بنات ممكن معلومات عن قرية zell am ziller في النمسا
وشورايكم فيها وهل تستأهل العنوة
zell am ziller قرية جميلة عبارة عن وادي والمناظر طبيعية فيها وايد حلوة
تبعد ساعة ونص عن زيلامسي
و ماشي وايد اماكن سياحية قريبه منها .. يعني حلوة حق الهدوء والريلاكس من 3 لين 4 ايام
و ممكن تزورين منها عالم سوارفسكي في انسبروك Innsbruck
و قرية بريتساو pertisau على بحيرة Achensee منطقة مرتفعة جميلة جداً و هادية
و ممكن بعد تروحين وادي اوتزتال Otztal هالمنطقة رووعة كلها وديان ومناظر طبيعية تجنن و قرى متناثره على سفوح الوادي مثل قرية لانغنفيلد langenfeld و قرية سولدن solden
يعني يسدها من 3 الى 4 ايام تقريباً ^.^
شو افضل الفنادق فيها
وهل فيها مطاعم عربية او تركية
وهل فيها سنتر فيه محلات ومطاعم ؟
ياريت لو في صور للقرية
هيه فيها سنتر صغير ومطاعم ومحلات
عن المطاعم التركية ما عندي فكرة الصراحة بس حصلت فيها مطاعم ايطالية بيتزا وباستا
و فيها سوبرماركت بيلا و سوبرماركت سبار
و هاي صورها :
هاي محطة القطارات فيها ^^
بس احسن و احلى فندق حصلته Das Posthotel Apart & Tirol ****
هو فندق و شقق و سويتات نفس الوقت و مكانه في السنتر ^^
تقدرين تشوفين الصور وللحجز على هالرابط : https://www.booking.com/hotel/at/das-…97871083900cX1
و هذا ويب سايت الفندق المباشر : https://www.dasposthotel.com/
و الاختيار الثاني شقق Appartements Alpenkristall ****
بعد هالشقق وايد ممتازة و مكانها في السنتر و دايركت على النهر =)
هذا الرابط للصور والحجز : https://www.booking.com/hotel/at/appa…97871083900cX2
و هذا ويب سايت الشقق المباشر : https://www.alpenkristall.at/ (الموقع بالالماني بس تقدرين تشوفين الصور تتغير في الصفحة الرئيسية)
و بعد عندج هالشقق حلوة حق العوائل الكبيرة لكن سعرها غالي بالمقارنة مع الباقين
Zell am Ziller Holiday Villa "Villa Francesca" in Zellbergeben
هي عبارة عن فيلا راقية و فخمة فيها شقتين وحده بـ 3 غرف نوم و الثانية بـ 4 غرف نوم ^.^
و فيها حديقة صغيرونه ويا بحيرة و جاكوزي .. بس مشكلتها برع شويه مب في السنتر (تبعد عند السنتر 4 كم تقريباً)
هذا الموقع المباشر للصور والحجز : https://www.villafrancesca.at/tcms/start/english
و اخيراً عندج هالشقق Apartment Sonnenau
بعد ممتازة في السنتر و قريبه من سوبرماركت سبار 3 دقايق
هذا الرابط للصور والحجز : https://www.booking.com/hotel/at/apar…3332846163;ws=
و هذا ويب سايت الفندق المباشر : https://www.sonnenau.at/en
وشي منطقه حلوه حذالها اسمها مايرهوفن فيها سوق حلو ومنطقه ثلجيه فالقمه دائماً يوم نسير نكون روحنا لانه ما فيها عرب مول وسياح قليل ونتزلج على راحتنا *فرق عن منطقة كابرون مزدحمه
واذا تبين تسيرين المناطق الثانيه مثل انسبروك وسالزبورغ وزيلامسي واخن سي من المحطه ألرئيسيه جانباخ *