خواااتي الحبيبات .. بطرح لكم مشكلة تخص لوحدة من الأهل … يالت اللي تقدر تفيد هالحرمة وتساعدها بحل هالمشكلة …
بختصر عليكم الموضوووع :
الحرمة وااايد نفسيتها تعبانه ويازوجها … ؟؟ ..
زوجها تفكيره شرات الأوليين .،،، … … الفرق بينهم 11 سنة … زوجها دخل الــ40 سنه الله يهديه ويسعدها ..قولو آآآآآمين …
الحرمة موب مقصرة وياااااه … في كل شيء ما شاء الله عليها تجدد … مهتمه في نفسها وفي زوجها .وفي عيالها ..
زوجها :
عصبي ..ما يقتنع بسهوووله أبدا ،يعني كل ما طلبت منه شيئ ردها .. تحاوره في شيء في موضوع سواء كان يخص للعمل أو غيره بعد ردها .. يعني ما يقتنع بالمره ..
كل ما تحاول تتواصل ويا زوجها مافي أي تجاوب ..
…
متشدد …
فتحس في فرق في التفكير بشكل كبييييييير …فموب قادرة تتأقلم وياهالوضع ….بالرغم وجود أولاد بينهم …..
شورو عليها بالحل ياحريم …وأنا بإنتظااار ردووودكم والحرمة ويايه تقرأ الموضوع .. ….
وإدعولها الله يفرج همها ويهدي لها زوجها …
الحرمه وااايد نفسيتها تعبانه ….
وجزاااكم الله إن شاء الله الجنه …
والسلام عليكم ورحمة الله وبركاته
اختيه انا رايي انه تغير اسلوبها وياه و دامنه الفرق امبينهم كبير
تستغل هالشيء و اتيه بالدلع .. لانه الريال تحرجه الكلمة الحلوة
و يوم تبي منه شي تمهد الموضوع و تحاول تفهمه قبل لا تطلب
و تدعي الله لانه بايده كل شي
و تصبـــر …
ونصيحة إذا بغت شي تقوله قبل الطلب ..(ممكن حبيبي) (لو سمحت حياتي) عالأقل ما بيحس إنها تتأمر.
أو ممكن تكون سياسية وياه .. يعني إذا بغت شي تقوله .. فديت روحك مامقصر ويانا في شي .. دومك كريم وراعي واجب ربي يحفظك .. لا زم تسمعه هالكلام دايم.
وعليها بالصبر والدعاء…
والله يوفقها.
اختي الحرمه المفروض اتعرف ريلها شو يحب وشو مايحب ..
ودام انهم متزوجين صار لهم فتره وبينهم يهال .. فاكيد هي اتعرف ريلها شو يحب وشو مايحب ..
يمكن هو من النوع اللي مايحب الحريم يشتغلون .. خلاص مايحتاي كل يوم اتناقشه في هالموضوع لان هالموضوع بالنسبه له منتهي لا يعني لا … فليش يالسه اتعور قلبها واتخلي ريلها يعصب عليها واتناقشه في هالموضوع؟
واذا مثلا تبغي اتشاوره في شي … لازم تختار الوقت المناسب .. ومب اي وقت يكون للرياييل مناسب ..
خلها اتهتم بالاشياء اللي هو يحبها ويحب يهتم فيها … ساعتها بيحس انه اتحب نفس الاشياء اللي هو يحبها .. مب يوم اتحبه وباجر اتقول لا ماداني اسوي جي …
لازم اتمر على الاقل اسبوع لين ما يلاحظ الريال انها صدق مهتمه بنفس اهتماماته (حتى لو اشياء تافهه بالنسبه لها ) ..
بعد ما تمر هالفتره وبيحس انها قريبه منه لانها اتحب نفس الشي اللي هو يحبه (ترا اغلب الرياييل جي تفكيرهم) .. تقدر تدلع عليه واتقوله شو رايك حبيبي لو ……… وتعطيه فكره شي في خاطرها بس مب شي عنده من الممنوعات القطعيه …
يعني مثلا شو رايك حبيبي لو انسير نتعشى بره اليوم . وانا عازمتنك على العشا ..
يعني مثال .. حركه اتغير فيها الجو شوي ..
وخلها اتغير من اسلوبها ولبسها عشان تغير الروتين .. لان الرياييل يملون بسرعه .. 
والسموحه طولت عليكم
المشاركة الأصلية كتبت بواسطة فيء 
ونصيحة إذا بغت شي تقوله قبل الطلب ..(ممكن حبيبي) (لو سمحت حياتي) عالأقل ما بيحس إنها تتأمر.
أو ممكن تكون سياسية وياه .. يعني إذا بغت شي تقوله .. فديت روحك مامقصر ويانا في شي .. دومك كريم وراعي واجب ربي يحفظك .. لا زم تسمعه هالكلام دايم.
وعليها بالصبر والدعاء…
والله يوفقها.
وأنا رايي من رأي اختي فيء
لااااااااااااااااازم تدعي وايد وتستغفر ،
الله يعينها ويفرج عنها