البارحة ولدى كان يصارخ من الغازات وديتة الدختر قريب الفير وسوو له اشعه على بطنه وقالى الدكتور وااااااااااااااااااااااااااايد فيه غازات وعطاه تحميله وشويه خف عنه بس اليوم بعده يصيح فركتة بزيت الزيتون الدافى على بطنه وسو شوية خروج
والحين زوجى يأنبنى يقولى انتى خوافه لو عا طتنه عسل وماء ماصار هذا كله واليوم يبا هو الى يعطيه الماي ويا العسل قلت له ياريال مايستوى نعطيه مايتحمل الدكاتره يقولون لسن 6 شهور مايتحملون اكل وشرب خارجى
قالى مايعرفون شى المفروض من الحين تعطيه عصير وعيش مهروس
قلت له حرام عليك شو عيش وعصير
خواتى شورايكم دوم الريال مايعرف هذي الامور ويكون دفش
ابا خبراتكم كيف تخوزون الغازات وهل ممكن يتحمل الرضيع العسل
طمنونى الله يخليكم والله البارحه مودتنه 3 مرات
مرة خاص ومرتين حكومى من كثر ماكان تعبان من الغازات
وخبرونى عن العسل بخليه يقرأ ردودكم يمكن يقتنع
لا تخافين بالعكس اذا ما فادة ما بيضره
انتبهي لنوع الطعام اذا كان يرضع منك , او غيري نوع الحليب اذا يرضع اصطناعي
رضعيه ع فترات يعني خلي بين كل رضعة و رضعة ساعة ساعتين , ما اترضعيه زيادة يتنفخ بطنو و يصير معاه عسر هضم و يتوجع و يصيح زيادة و انتي اتفكري يبى يرضع و اترضعيه و يزيد الوجع.
عادي وما يضرهم بالعكس يفيدهم
بس العسل مب حل للغازات
فيه دواء للغازات تعطينه للياهل قبل الرضتعة ويريحهم وايد
المفروض الدكتور يكتبه لج
و بخصوص الاكل هيه عادي تعطينه ياكل بس مب عيش بعطيج جدول من الدكتور الي أودي ولدي حقه
اذا ولدج ترضعينه صناعي تبتدين تعطين من 3 شهور
بس اذا ولدج ترضعينه طبيعي من الشهر 4 تبتدين تعطينه الاكل
لان حرام بعد 6 شهور مايتقبلون الاكل انا جربت بكري البنت واايد عانيت عشان تاكل
بعطيج الجدول
من 4شهور الي 6 شهور تعطينه
حليب+بسكويت داخل المرضعه
حليب+نشاء(مهلبية) عدد الوجبات 2_3 وجبات في اليوم
سريلاك رقم 1
من 6 شهور
خضروات
حبوب
فواكة كل شهر وجبة أكل ورضعه
يعني ياكل وجبة واذا نمام ونش من النوم عطية حليب
نهاية 6 شهور
صفار البيض
نهاية الشهر 7
لحم ابيض يعني سمك_دجاج
وسريلاك رقم (2)
من 9شهور _لين سنه
لحم أحمر
بياض البيض
سريلاك رقم 3
سنة وأكثر
عسل
حليب طازج
روب
زبادي
أكل البيت
انا مشيت على هذا النظام بصراحه ولدي صحه وعافية ماشاء الله عليه