شحالكن خواتي
اولا وقبل ال ابداء بمشكلتي اللي لين الحين ما حصلت لها حل … ابا كن اتعرفن انه ريلي ايحبني ويحترمني وقلبة طيب
بس هالموضوع لين الحين مش قادرة ابلعة …
وهو موضوع ( الاجازة )
انا الحمد لله موظفة وعندي ولد صغير = ظغوطات اظافية
وريلي موظف وعندة ظغوطات في العمل والتزامات اجتماعية
تييي الاجازة وانا اترياها بفارغ الصبر عشان اعوض ريلي عن انشغالي طول الاسبوع وعشان نستانس فيها مع بعض
بس للاسف احس انه ريلي يرتاااااااااااااااااااااح يوم يكون عند ربعة …. عادي يخيم وياهم ..او انه يسافر وياهم … بحجة التخلص من الظغوطات وتوطيد علاقاتة الاجتماعية
انا والله اخلية يروح ويطلع عشان بس يرفه عن نفسة … وعشان يقدر يعطي
بس بمجرد اني اطلب منه انه نسافر او نبات في مكان ايطلع لي امية علة وعلة …. و بيقولي كلام حلو عشان بس اسكت
والله تعبت من كثر ما اناقشة في الموضوع
اتمنى اطلع وياه بدون ما اطلب منه …. واذل عمري لين ما اعاف السيرة
بنات والله قمت اغار من الحريم اللي يطلعون ويباتون ويا ريايلهم …. او اللي ريلها ايقولها اني اتعب يوم اتسيرين عني او ابتعد عنج ….
انا ايقولي هالكلام بس ما شي فعل …. اوكي تتعب يوم تبتعد عني …. خلاص لا تسافر عند الربع وخلنا نستانس رباعة !!!!!!!!!!
والله اكتب الموضوع وانا فية صيحة …. ابا اصيح
لاني انا حاسة بالمشلكة … وهو ما يعترف انه الموضوع فية شي
دوم يوم اناقشة يقولي حبيبتي لازم اطلع لازم اقوي علاقاتي ولازم ولازم
انزين قوي علاقتي وياااااااااك … قضي بعض الوقت عندي
اتخيلن دوم نضارب على هالموضوع …. .gif "12 (93)")
والله يا خواتي اني اتعذب يوم ايسير عني واشتاقلة …. وحتى اعصب منة …. بس الحين الصراحة مسوية طااااااااااااااااااااااااااف
تعبت من الشوق والوله ….. بس ما اعرف شو اسوي
يوم اسير بيت هلي …. اطلع واستمتع بس عشان اغايضة …. بس هو ما يحس بهالشي يقول خذي راحتج حبيبي !!!!
بنات … الاجازة مب من حق الحرمة والريال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مش لازم ايخططون حقها هم الاثنين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اوكي مثلا هالاسبوع بيسير يومين المخيم ويوم الاحد يمكن ( يمكن ) انسير القرية العالمية
بس لازم انرد قبل العشاء عشان يلحق على ربعة !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!
شو الحل ؟؟؟؟؟؟؟؟؟؟؟؟ انا مقهووووووووووووووووووووووووووووورة
الله يعينج
حاسه فيج والله
بس لازم تتفقون يعني في الويكند يوم لج ولولده ويوم لربعه بحيث انه ما يقصر مابينكم
الله يعين يالغاليات
حاولت اسوي الجدول .( جنهم شريجاتي ) بس عصب علية قال انا من استويت ( شرات الطير ) ما احب حد يقيدني
ياختي هاي مو مومشكلتج انتي بس
انا عندي ربيعة تعاني نفس معاناتج
غريب امر هالريايل يموتون على ربعهم
وقلت لربيعتي والله ريلج غلطان لان لو لا سمح الله صارله شي ما حد بيحن عليه وبيداريه غيرج
وكل ربعه هاييل بينسونه وبيسيرون باحضان حريمهم
بس الواحد شو يسوي بوطبيع
مع انها اتحن وتزن فوق راسه ومره اطنش بس ما شي فايده
الله يكون في عونكم ويهدي رياييلكم
.gif "12 (15)")
الله يهديه يا رب
والله صدقتي … دوم اقولة
((من يحبك كثر ما احبك انا
ومن بحبك حاول وياما اجتهد
ومن في عينه شوفتك كل المنى
لا ورب العرش ما غيري احد))