انا حديثة الولادة وفي المستشفى الدكتورة سوتلي خياطة داخلية فهل الخيط يطيح بروحه او كيف؟
الي مجربة ترد على السؤال افيدوني جزاكم الله الجنة.
ومبروك على الولاده والنونو
والخياطه الداخليه هي احسن شي ويرجع كل شي طبيعي ان شاء الله والخياطه تطيح بعد اسبوع اواسبوعين
بس احسن شي انك تستخدمين منقوع المر وهو تجيبين كم كسره من المر او المره وتحطيها داخل غرشه الماء وتعبين الغرشه ماء وتخليه حتي يتغير لون الماء بعدين لما تروحي الحمام وبعد ما تنظفين المناطق الحساسه تغسلي مكان الخياطه بالماء والمر وكل ماتدخلي الحمام تغسلي فيه راح تحسي اول يومين ان الخياطه تشد وبعد راح يطيح الخيوط بروحهم
بطيح بروح مابتحسى بس اغسلى نفسك بشاى ساده دافى فى الصباح والمساء وكمان امسح نفسك بزيت زيتون او سمسم افضل عشان تطره وماتشده قبل النوم
الغالية اغتسلي بماي دافئ وملح بس لا تكثرين الملح وايد … وكل يوم يلسي في البانيو وفيه ماي وملح على الأقل ربع ساعة عشان ما تشد عندج وتريحج من الألم وتعقيم للمنطقه وأهم شي ما تحطين ايدج مكان الخياطة عشان ما تلتهب وغيري الاولويز كل ساعة عشان ما تلتهب واذا حسيتي انها تعورج وايد وفيها ريحة مب حلوة راجعي الدكتورة والخيوط تطيح بروحها لا تحاولين تسحبين الخيط يباله اسبوع الين 20 يوم وبيطيح ان شاء الله حافظي على اكلج عشان تلتأم بسرعه.. وبالتوفيق