فديتكن انا وايد احب و اموت ع المكياج الترابي و البرونزي وانا طبيعة بشرتي بيضاء واحس هالنوعين من المكياج مايناسبوني واذا فيه حد يشوف انه ممكن يناسب البشرة البيضاء لاتتأخر و تقول لي و اذا تروم بعد تعطيني الطريقه يعني خطوات المكياج ………………… ساعدوني يزاكن الله خير
والسموحه جان طولتها عليكن
ختكن : ملكه بحسها
او الاسود مع البرونزي
احسن هاي الالوان تناسبج
سوي بروووووووووفة يالغالية
اكيد يناسبج حبوبه بس كل وحده والنوعيه من الميك اب اللي تناسبها وتنسيقها للالوان
مثلا انا اروج وغلوسات فور ايفر احسها ماتناسبني
جوفي
انتي ادمجي اللون الترابي مع وردي وطبعا الوردي تحطينه عسب يعطيج اشراقه بسيطه
طبعا انا اتكلم عن الوردي الفاتح
مثلا روج لونه ترابي وعقب حطي غلوس وردي فاتح
يعطي لون حلوو
وممكن تدمجين اللون الخوخي وتحطين اضاءه او لمعه خوخيه او مشمشيه وت ايفر
وعندج بعد اللون البرتقالي
+++
في طريقه بس تحطين معاها لون ثالث خفيف مثل الخوخي او البني الغامج
وممكن تدمجين اللون ابيض كاضاءه أو لمعه يوم تحطين رووج بني مثلا عندج غلوس من ماك يعطيج لون شرات اللؤلؤ طبعا هذا تستغلينه وتحطين منه شووي مب تكثرين لا شووي
بعدين المكيااج الترابي حلووو وينفع للبيض خصوصا لو انه هادي
بس شرات ما قلت لج انتي وطريقتج….
والجمال لعبتج
بس بالنسبه لج اخت عيون الورد ممكن غناتي تعطيني خطوات الايشدو الترابي و البرونزي واسمحيلي طولت عليج …. والف شكر لكن
المشاركة الأصلية كتبت بواسطة ملكه بحسها 
بس بالنسبه لج اخت عيون الورد ممكن غناتي تعطيني خطوات الايشدو الترابي و البرونزي واسمحيلي طولت عليج …. والف شكر لكن
ما طلبتي يالغاليه بس شرحي بيكون بدون صور وان شاءالله يكون تمام
بتفسلف عليييييييييج
اول شي لازم ترطبين بشرتج ممكن تستخدمين المرطب اللي يناسبج
اذا بشرتج حساسه جربي ماركه كلينك لانها طبيه
وعقب حطي خافي العيووب في الاماكن اللي تحتاجها البشره
ووزعي الفاونديشن واكيد الكونسيلر حول العيون
++
الحين وزعي البودره المناسبه لج
والحين انني للظل
هاتي الايشدو مالج باللون اللي تبينه
ومثل ماتحبي الترابي
وزعي عالجفن المتحرك واللجفن اللي تحت الحواجب ((الثابت ))
لون ترابي فاتح وممكن تحطين اللون البيج وحطي منه تحت الجفن السفلي
بس خط خفيف
وعقب حطي ع الحدود المتحركه لون ترابي بس غامج شوي ومطيه عالخفيف مب واايد عسب تبين طلتج طبيعيه
وحبوبه حاولي انج شوي تدمجين بدايه اللون الفاتح مع الغامج عسب يطلع اللون حلوو
الحين هاتي الكحل ويكون مبري عدل وارسمي عينج اللي تحت من داخل
والخط اللي رمستيه قبل بيبين تحت الكحل وجييه عيونج ماراح تكون مبهته
واذا حابه ارسمي فوق عيونج بالطريقه اللي تريحج بالكحل
الحين طالعي عيونج المنطقه الوسطي للجفن المتحرك حطي شدو وردي خفيف ويكون بلمعه حلووه
وممكن تحطين عند منطقه بدايه العين لمسه صغيره عسب تكسر اللون
احم احم اذا عندج ايشدو بلمعه خفيفه ممكن تسوين نفس الحركه وتتفنين بيطلع حلوو
الحين البلاشر
البلاشر الكريمي من مااك مرررررررره حلووو
مثلا اختاري اللون المشمشي وبفرشاه مااك وزعي ع تفاحة خدودج كيف تعرفينها
شقي حلج باابتسامه المنطقه البارزه هي اللي انشدها اسحبي اللون عليها ووزعيه
اذا حسيته زايد خفيفه بالفرشاه يعني اسحبيه ووزعي عالجبين وبيخف اللون
طفرتي خخخخخخ
نكمل فلسفه
طبعا انتي تكوني مرطبه شفايفج بمرطب مناسب
الحين حطي الرطب مره ثانيه بس لمسه منه
وعقب حطي الروج الترابي وحطي غلووس وردي
ممكن تدمجين روجين وردي وخوخي وعقب غلووس ترابي
ممكن الايشدو تحطين عشبي وممكن ذهبي وبرتقالي ودراقي أو خوخي وايد الوان بس تفنني
وووايد جربي الالوان
هذا باختصار جربيه وان شاءالله بالتدريب تحصلين طله حلووه
والسموحه ع القصور