تعبت واايد من كثر ما افكر في المشكله الي انا فيها وياريت تساعدوني والله محتاره وخايفه ..
انا بنت عمري 16 سنه واخر سنه لي في الثنويه العامه طبعا اهليه مجدميني سنه طبعا انا وحيده اخواني الاربعه وانا من توفت امايه الله يرحمها وانا مهتمه في اخواني الثنينه الصغار طبعا كان عمري 8 سنوات يوم هيه متوفيه والحمدلله حياتنا مافيها اي قصور وعلاقتنا في بعض وااايد قويه .. المهم ربيع ابويه الرووح بالرووح خطبني لولده ولده ماشاء الله عليه ماعليه كلام وهذي بشهاده الجميع طبعا امه تقدرون تقولون هيه اقرب وحده لي لانها وااايد ويانا حتى يوم ابويه يسافر تيي تبات عدنا وانا وااااااااااااايد استحي منها المهم هيه الانسانه الي اختلط معها من البنات والحريم لاناغلب وقتي مع ابويه واخواني لان دووم نحن رباعه .. المهم مشكلتيه اني ماعرف شي في الحياه الزوجيه واصلا اانا ماريد اعرس في هالعمر لاني احس اني وايد صغيره المهم خبرت اخويه العود قالي بيبلج كتب وهالخرابيط ودخلي مدونة وبتعرفين حاولت بس والله في مصطلحات ما افهمها يمكن لاني ما اختلط مع حد يقولي عن هالامور وحتى ربيعاتي في المدرسه يضحكن عليه يوم اقولهن شو هذا وشو يعني ادي بتقولون مافي بنت الحين ماتعرف عن شي بس والله احلفلكم اني ماعرف في هالامور وطبعا اخويه قالي انا بقولج كل شي تبينه بس والله اني مستحيه منه خاصه بعد سالفه الدوره الشهريه طبعا انا بالغه من 4 شهور بس والدوره مايتني غير 2 صح كنت اعرف انها بلوغ البنت واخ .. وكنت عارف كل شي عنها بس يوم يتني شعووور فضيييع خبرت اخويه العود وقتله هو تم عندي ويخبرني امور ويقولي عادي امور بسيطه تخيلوا بس انتوا طبعا محد بتحس فيني الا الي في نفس موقفي لان اغلبكن عندكن امهاتكن في هالوقت كانت او حتى خواتكن بس انا اخوييييه هو قعد عندي هو الي تب ويايه ويخبرني وابويه بعد بس والله انها صعبه حتى لو كنت وااايد قريبه منه يبقى ريال .. طبعا ماعندي عمات اخبرهن لانهن كلهن اكبر عن ابويه وخالاتي في قطر الا في المناسبات اشوفهن محد عندي .. دخيييييييييييلكم ساعدوني والله احس اني ضايعه ..
طبعا قلت حق ابويه يأجلون العرس حق بدايه السنه 2024 عشان اكون عارفه وتفهمه شي قالوا بيشوفون ..
ساعدوني يابنات والله اني تعبت من كثر ما افكر .. والله صعب يوم مايكون حد عندك وبعد صعب عليه اني اخلى اخواني واسافر انا يوم ماخليتهم كيف يوم بسافر عنهم دخيلكم ساعدوني
الكتاب اسمه.تحفة العروس..عجيب الصراحه..
والله يجعله الزوج الصالح اللي يسعدج ويعينج ع امور دينج ودنياج
حبيبتي والله
الله يكون في عونج
صدق ان البنت مالها غير امها وضعج واايد يضايق
بس الله سخر لج اخوج العود صح انج تستحين منه ومهما كان هذا ريال
بس سبحان الله ربج فوق ويساعدج
وان شاء الله البنات المعرسات يفهمونج اكثر
دعواتج لي حبوبه
والله هالأيام نادر ما تحصلين ام او اخت اتخبرج في هالامور يقولون بنات هالأيام يعرفون وانا امي ما نطقت كلمة وحده ويايه ولا علمتني شي
بالتوفيق الغالية
المشاركة الأصلية كتبت بواسطة كبريــاء 
الكتاب اسمه.تحفة العروس..عجيب الصراحه..
ان شاء الله اختيه .. بس وين اقدر احصله هالكتاب يعني اقدر احصله في كارفور ؟؟
وسمحيلي على الازعاج^^
المشاركة الأصلية كتبت بواسطة om bakhit حبيبتي لا تخافين ان شاء الله الامور بتمشي على خير ومدام الريال اخلاقه ودينه تمام ربي بيسهل عليج ومع ريلج بتعرفين كل شي انتي مب لازم تعرفين كل شي لا عرفي بس الاساسيات والباقي حلو لما تعرفينه ويعلمج ريلج
حبيبتي اعرف وايد عرسن بعمرج ويمكن اصغر ومع الوقت عرفن كل شي وامورهن من احسن مايكون اصلا نحن مع انا عرسنا في العشرين بس كانت اشياء وايد مانعرفها وتعلمناها مع الوقت بس ابغيج حتى لو عرستي ثقفي نفسج في امور الزواج والحياة الاسرية وكيف تتفاهمين مع ريلج خصوصا في البداية ترا هالشي من اهم الاشياء يمكن انتي فكرت العرس والمسؤولية هي اللي مخوفتنج اكثر من الزواج نفسه
توكلي على الله واعتبريني مثل اختج العوده وان بغيتي شي او مافهمتي شي راسليني وبقولج من عيوني
يزاج الله خير ان شاء الله مابتردد في اي سؤال .. وصح هيه فكره مسؤوله صعبه شوي لان بعد الي مخوفي اني بخلي اخويه الصغير الي عمره 8 سنوات الحين هذا بعد وايد مخوفني لانه واايد متعلقني وان شاء الله الله ييسر الامور ..
مشكوره اختيه وماقصرتي ..
او
https://www.ahlalhdeeth.com/vb/showthread.php?t=30014
كتاب تحفه العروس حمليه
موفقه