شحالكم بنات،،،ان شالله اوكيــــــــــــــــــــــك
بس بغيتكم تساعدوني اذا تعرفون مدرسة تحفيظ قران
ولا حتى مدرسة او مركز اقدر اروح له واستفيد
الي بتفيدني لها الاجر ان شالله
والله اني احسد اليهال الي حافظين ويقرون في اف ام القران
لا وتلاقيهم ماشالله حافظين القران ولا 20 جزء واختكم حدها جزء عم
وبعد تخربط فيه .gif "12 (71)")
فقررت اني الحق على عمري،،قبل كنت احفظ لكن الحين
كبر راسي ،،عسب جيه يبالي وحدة التزم وياها وتعلمني
يفضل تكون في بني ياس وضواحيها ولا بين الجسرين
ولا اقولكم ماعندنا مانع نروووووووووووووح بوظبي
اختكم نعنوووووووووووووشة
وشي اكيد في مصفح شعبيه خليفة اذا تبين العنوان بالضبط راسليني عالخاص لاني بسير اسال لج امي وخالاتي يسيرون هناك وايد روعه ومنظم
لان جيه بكون اتعايز ادق درب واسير جمعية المراة الي عدال للبنايات السبع
فالي تعرف بلييييييييييييييييييييييز تفيدني بمدرسة تيي البيت وتكون ملتزمة
اختكم نعنوشــــــــــــــــــــة
معقولة محد يقدر يساعدني اكثر
وليش تتعايزين اختي.. الباصات متوفرة.. ودام انج نويتي وحابة تبدين تحفظين القرآن ابدي من الحين .. وبالتوفيق ان شاء الله
انا مب متعايزة بس جدولي اليومي شوي متعب
مابين الشغل والدراسة واريد اخصص لو ساعة وحدة واحفظ فيهم
وبدون المدرسة والتشجيع وحد يوقف فوق راسي مابحفظ شي