سفرة لمدة خمس ايام لماليزيا 2024.

مرحبا خواتي الصراحة انا ودي اسافر مع ريلي لماليزيا لمده خمس ايام
وكوني اول مرة اسافر هالمكان حبيت اتخبركم شو احسن اني احجز عن طريق شركات السياحة
كونهم يحجزون الفنادق والرحلات بليز بغيت مساعدتكم وخبراتكم عن احسن الاماكن الموجودة هناك

ويزاكم الله كل خير حبايبي

حبيبتى خمس ايام يعنى بتروحين اليوم ويوم ثان الظهر بتوصلين وطياره 7 ساعات تقريبا بيتبقى 3 ايام ويوم بترتاحين ما بتلحقين الا يومين وين بتروحين لوتكثري الايام احسن ما يصلح خمس ايام ع ماليزيا عندج اماكن وايد اول ما توصلين عندج حديقه المايئيه صنوتى لاقون ومول كبير اتمين يومين وتروحين عقب جزيره بينغ او لنكاوى من وجهه نظري بينغ احلى وايد عن لنكاوى اتمين 3 ايام وعقب يومين جينتنغ واخر محطه يومين كولالمبور تتسوقين

سوري حبيباتي انا اقصد خمس ليالي في ماليزيا

اترومين تحجزين روحج عن طريق طيران الامرات اون لاين .. وحتى الفنادق اللي في موقع بوكنق .. ومابيكلفكم وايد ..
بس ماليزيا مايبالها 5 ليالي .. وايد عندهم اماكن حلوه ^^ وهي رخيصه بعد ..
هناك من توصلين بتحصلين مكاتب بالهبل حق الجولات السياحيه .. تتفقين معاهم على المكان اللي تبين اتروحين له ويطرشون لج سايق خاص يوصلكم ويردكم .. مضمونين وارخص عن مكاتب الجولات اللي فالفنادق .. والناس اللي هناك وايد طيبين ..

احس لو بتحجزين عن طريق مكاتب السياحه اللي عندنا بضربون عليج .. انتي شوفي روحي اي مكتب وساليه وخليه يعطيج سعر .. وعقب دشي موقع طيران الامارات و البوكنق وشوفي اسعارهم وقارني .. لو طلع ارخص عن طريق المواقع زيدي الليالي يعني اذا كنتوا حاطين لمت معين ..
ان شاءالله تستانسين ^^