سويت بالشعيرية حلى لذيذ وفخم,, 2024.

بسم الله الرحمن الرحيم

اليوم راح اقدم لكم سويت الشعرية سهل ومايباله شي بس الطعم لذيذ

المقادير:

شعيرية باكستانية
زبدة
ظرفين كريم كراميل
كوبين ماي
ملعقتين حليب بودرة
قشطة
بسكويت
8 حبات كيري
علبة حليب المكثف المحلى
للتزين:
نسكافيه- بودرة الشكولاته

الطريقة:
نحمس الزبدة مع الشعرية لين ماتحمر شوي.

نضيف الظرفين كريم كراميل مع كوبين الماي وملعقتين حليب بودرة نخلطهم مع بعض ونحطهم ع النار لين ماتغلي بعدين نسكر ع النار ونضيف الها القشطة ونخلطهم مع بعض..

الحين نحط الشعيرية ف بايركس وعقب نصب عليها الخلطة.

نرص عليها البسكوت ومايحتاي نغمس البسكويت فالحليب لان الخلطة الي تحته سايلة..ونحطه فالثلاجة لين ماتبرد.

فالخلاط:نخلط الحليب المكثف مع الكيري ونصبه فوق البسكويت.

نخلط النسكافية مع بودرة الشكولاتة

وبواسطه المنخل نرشه فوق الخلطة.

ونخليه فالثلاجة لين مايتماسك مع بعض

التقديم:

وبالعافية عليكم.. حلاتها بعد الفطور مع القهوة.

واتمنى من الكل يجربها..

اللهم أرزقني رزقا واسعا حلالا طيبا من غير كد.. واستجب دعائي من غير رد.. وأعوذ بك من الفضيحتين: الفقر والدّين.. اللهم يا رازق السائلين.. يا راحم المساكين.. ويا ذا القوة المتين.. ويا خير الناصرين.. يا ولي المؤمنين.. يا غياث المستغيثين.. إياك نعبد وإياك نستعين.. اللهم إن كان رزقي في السماء فأنزله.. و إن كان رزقي في الأرض فأخرجه.. و إن كان بعيدا فقربه.. و إن كان قريبا فيسره.. و إن كان كثيرا فبارك فيه يا أرحم الراحمين.. اللهم صلي على محمد وآل محمد.. واكفني بحلالك عن حرامك.. وبطاعتك عن معصيتك.. وبفضلك عمن سواك يا اله العالمين.. وصلى الله على محمد وآله وصحبه أجمعين"

ماشاء الله شكلها واايد لذيذه
الله يعطيج العافيه انشالله
ويشافي بنتج يارب

بنجربه ان شالله

ما شاء الله حلو انت جارتنا لان اليوم مطرشيلنا هالحلو؟؟؟؟

مشكوووووورة ما تقصرين

تسلم ايدج