شحالكم بنات ؟
عساكم طيبين
طبعا حبيت أخذ رأيكم
شو رأيكم ف شهر عسل ب اندونيسيا
تحسون ينفع ولا شهر 8
وإذا حد عنده خلفية او مسافر بليز يسدح رأيه 
وجزاكم الله خير
بالعكس هناك المكان جدا جميل
انا سافرته في عيد زواجي و ما توقعت ان المكان يكون بها الجمال ؟
عبالي مكان عادي و لكن تفاجأت بصراحة من جمال جزيرة بالي
في البداية حجزت التذاكر بطيران الامارات
و قبل السفر بفترة طويلة عسب يكون ارخص
روحي اول شي: جزيرة بالي ،يلست فيها تقريبا اسبوعين
فيها فلل جميلة و لها مسبح خاص و مكان رومنسي حلوو
حجزت في 4 فنادق ( 2 كانوا 5 نجوم و واحد 4 نجوم و واحد 3 نجوم )
الفنادق بو 5 نجوم كنا نقعد فيها اكثر فاخترت فنادق راقية و رومنسية
اما الباجين كنا نطلع من الصبح لين المساء يعني ما يهم لو الفندق واو
بدليج ع فندق اظني لو دخلتيه ما بتطلعين من جماله اسمه
Hanging garden hotel -bali
يعني الفندق وااااااااااااااااو واو واو ياقلبي عليه
و اصلا الفندق معروف للمعاريس 
بتجوفين الاجواء الرومنسية و الدلع ع اصوله
و بعدين العاصمة جاكرتا يلست فيها 3 ايام
طبعا من بالي ل جاكرتا " طيران داخلي"
تأكدي من التذكرة و الاوزان و ها السوالف و احجزي من وقت لللتذاكر
انا حجزت عن طريق شركة سياحية
هي رتبت لي جدول كامل للزيارة في بالي
و كل مرة كنت اكاسرهم بخصوص الفنادق
و جاكارتا بروحي سويت سيرج و ركبنا تكسي او مشي
( لان جاكرتا غالية وما ينفع احجز عن طريق شركة سياحية )
متحمسه وادور فنادق ف بوكنج وايد حلوه ومع مسابح خاصه