بداية يا بنات ارجو انكم تاخذون الموضوع في شي من الواقعيه
واي وحده ما تعيبها السالفة
لا تستهزي او تسخر من البنيه لان هي مب ناقصه
اللي عندها كلمة زينه تتفضل
واللي تبا تهاجم وتضارب وتجرح .. الافضل تكتفي بدعوه حلوة
بتكلم لكم عن سالفة ربيعتي على لسانها
تقول ::
انا عمري 21 سنه ، اريد اتزوج ، وبما اني بنت عرب واصيله ومن هالكلام واهلى ما ييوزوني اي حد .. فوايد خطاطيب انرفضو .. لاسباب عديده واهمها الاصل والاخلاق .. ولرغبتي في صيانه نفسي عن الحرام .. لجات الى موقع زواج .. على امل ان احصل على الشخص المناسب
ووضعت شرووط اهلي التعجيزية كلها .. وكتبت صفات الزوج القياسية .. المستحيله
وحددت اهدافي وانا شو اريد
وحمدلله حصلت اللي كنت ادور عليه
كااااااامل والكامل الله
وحصل اعجاب متبادل .. وحصل اتفاق على الزواج .. بعد شهر من التعارف
الريال عمره 29 .. من عائلة مرموقة ومحافظة .. ومثل ما يقولون فل اوبشن
وواضح انه جاد بمعنى الكلمة .. (محد يشكك فالريال .. لان ها مش موضوعنا )
بعد الشهر حااول الريال بشتى الطرق ان يقنع اهله انه بيتزوج من الفتاه اللي اختارها
ولكنهم رفضو
بدون ما يشوفونها
بدون ما يكلمونها
بدون ما يسألون عنها حتى
سبب الرفض
انها من الامارات الشمالية ( راس الخيمة )
وهو من ابوظبي
وقالوله .. تبا نخطب لك بنخطبلك من بوظبي بسسس ..
وحاليا الموضوع من 4 شهور
والبنت خطبوها 2 وردتهم .. لانها تشووف ان هذاك اللي دااش خاطرها .. ويمثل لها المستقبل
والولد متضااايق وتعبان نفسيا من السالفة ..
شووو رايكم يسوون احين
كل حد يسير في طريج وما يستمرون ع امل ان اهله يوافقوون ؟؟
يصبروون ويحاول يقنع اهله اكثر .. ( البنيه تصبر عليه ، وتترياه ) ؟؟
هل تشوفون ان للاهل حق في رفض البنيه بسبب البعد .. وانها منراس الخيمة؟
واذا كنتي مكان البنت بتقبلين تتزوجين تعرفين ان اهله كانو رافضينج ، ويو خطبوج ؟
بناااااااااات بليز .. جاوبوني بواقعية
ما اريد
اجوبه خرااافيه
وراعوو حاله البنت .. ورغبتها ف العفة و التزام الولد ومصداقيته .. 100%
وادعووولها بالتووفيق وان الله يجمعهم بالحلال ويغنهم بفضله عن من سواه
لا تنسوونا من الدعااااااااااااااااء
معااه غير اعجااب ^^
والزوااج مثل الرزق بيد رب العاالمين فديتج مب بيد اي انساان
الله يرزقهااا الزوج الصاالح ويستر عليهاا ياارب
وايد ظلم .. باعتقادي الريال يقدر يضغط على اهله هاي حياته مب حيات اهله
خلي البنت تستغفر وايد وتصلي صلاة الاستخاره ولو من نصيبها ربي بيسهل لها ان شاء الله
والاهل اصلا مردهم بيرضون
لاني شفت واايد ناس جي وربي وفقهم بالاخير
وكل شي بالاول والاخير قسمه ونصيب
خليها اتصلي الاستخاره وتريح عمرها
وربج يجدم اللي فيه كل خير
دعواتكم بنات عسى ربي يفرج همي ويبدل حزني سعادة ويرزقني واياكن بالزوج الصالح التقي النقي مخموم القلب عاجلا غير آجل
استغفر الله الذي لا اله الا هو الحي القيوم واتوب اليه
اكره شي يوم الاهل يختارون وجيالمفروض هاي حياتهم بيعيشونها
انا بحط عمري مكانها صعبه انساه .gif "12 (60)")
ماشي غير انه الريال يصر عليها وهو مب صغير
وان شاء الله يوافقون
وسالفة انه كانو رافضينها . ما عليها منهم .gif "12 (70)")
خخ
ان شاء الله يتقبلونها مع الايام .gif "12 (7)")
ان شاء الله يكونون لبعض يارب
غاليتي 
ربيعتــج لازم تعرف
أن الأمة لو اجتمعت عَلَى أن ينفعوك بشيء لم ينفعوك إلا بشيء قد كتبه اللَّه لك،
وإن اجتمعوا عَلَى أن يضروك بشيء لم يضروك إلا بشيء قد كتبه اللَّه عليك
يعني لو أهلها يقتنعون وكل شي تخطط له صح
اذا رب العالمين مب كاتب ما بيستوي شي
الرضاء بالقدر نعمــة في قلوب المؤمنين
خلها تستعيذ من الشيطان الرجيم
وتستهدي بالله
وتبعد عن النت وسوالفه ^^!!!
في أخت أعرفها تزوجت عن طريق النت وكانت العلاقة نوعا ما محترمـة لا تخلو من الشوائب
والحين وايــــــــــــــــــــــــــــــــــــد تعاني لإن الشخص الي نعجبت فيه بالنت طلع انسان ثاني كليا ..
لا يغرها الكمال أختي ولا تركضي ورى شي هي ماتعرف أوله من آخره ..
رب العباد سبحانه وتعالى يكتب لنا خير الأمور
حتى لو ماشفنا الخير فيها الزمن كفيل انه يوضح لنا
لازم تثق في رب العباد
وتستخير وتخلي الأمور تاخذ مسارها الطبيعي
وبإذن الله رب العالمين بيرزقها الزوج الجميل خلقا وديننا الي تستاهله
ربي يوفقج أختي