انا بنات فتاه مرحه وطيبه وحبوبه بشهادة الجميع..كانت عندي سوالف مراهقه وبنات وحب وخرابيط..بس ماكنت تتعدى اني الحق البنت وافكر فيها واطرش لها رسايل وبس..
تخرجت من الجامعه ودخلت الجامعه وقفوني كورس..وكنت لاهيه وقتي بالمسن والانترنت..وكنت ايا صداقه لاني الكل لاهي حوالي..دخلت الجات وطلبت اتعرف على بنات..وضفت اعتقد 3 بنات او بنتين والله ناسيه وكنت اعقد واسولف وياهم..
وحده منهم كانت غامضه..وكنت اسولف وياها وخبرتني امها يتيمه..المهم لين ماوصلت السالفه وقالتلي انا احبج..وانا اوني ماعندي هالسوالف..مع اني كنت العب عالبنات ومسخره لكن خرابيط الباجي لا..
مع الايام عطيتها رقم البيت..موبايل البيت..وكنت العوزها واستهبل عليها لين وصلت نسولف ويا بعض..وعطتني معلومات غلط عنها الا اسمها..وصرت ربع..وحبيتها فتره وعلى فكره كنت صغيره مش كبيره يعني عمري 22او 23..بالعمر يمكن تشوفونها كبيره لكن عقلي بيبي..
ويت بيتنا وكانت تسوي حركات والله ماحطيت فبالي انها عيب..لاني عمري محد خبرني عن هالحركات وحتى فالتلفزيون لو ريال يحضن حرمه كنا نغمض عيونها..
وربعي مال الجامعه كانوا خبره ويعرفون هالاشياء وخبرتهم عن البنت شو تسوي..اكتشفت انه حركاتها عيب..ومع الأيام اقصد الشهور عرفت انه هالبنت وايد تجذب..ماتتخيلون اشكثر تجذب.فضييييييييييييييييييييعه فالجذب اغلب رمستها مسرحيات وجذب..وانا اصدق يحليلي..اختها فضحتها بالغلط جدامي..
وعقب 3 سنوات عرفت انها كانت شذوذ ويا البنات..يعني تسوي اشياء كبيره..تخيلوا يوم عرفت قالتلي انا ابا اتوب وساعدتها..وهالفتره تعرفت على وحده كانت تقولي انها متدينه كرم الله التدين عنها..كان امبين عليها مال خرابيط..وعقب ماعقتها في مصيبه يت تعترف انه يمارسون اشياء غلط..
وتخيلوا بنات علمتني عالوساخه..حتى فالتلفون وانا بعدني ماعرف انه هذا معاشره فالتلفون..يوم عرفت ندمت وكرهتها..بس ماوصلت للفراش لاني كنت اخاف وايد على عمري وحاولت بحركاتها الوسخه..
وانا بنات اودرها وارجع لها..كنت اودرها واكره الحركات الوسخه وهيه تسوي عمرها توب وعقب اشوف العكس..لين وصلت لمرحله صحيت وعرفت انه كل هالحركات شذوذ..ساعدت نفسي ارجع نفس قبل..
وطول هالفتره كنت اللي طافت كنت مع ربي كل صلواتي وقرآني بس للأسف هيه كانت وراي فتحت عيوني على اشياء اجهلها..وربي فديته وجه ماخلاني على عماي..
قريت في الانترنت وعرفت انه هذا شذوذ لين ماتخلصت من كل شئ تعلمته منها..
وصلت لمرحله اني بعدتها عن حياتي وصارت علاقتي فيها بالنادر جدا اكلمها..
بس بنات وايد اتذكر اشياء اكرهها..اقول حرام ليش سوت فيني جي كنت طفله ولعبت فيني..
بنات تقول هيه تابت بس والله عباة راس وصلاه وبعدها تجذب..اما باقي الحركات ماعرف عنها..
تعرفون شو اللي يخليني ارجع لها طيبتها وبس..وهذا قبل..
بس اللحين مول مااشتاق لها بس نادر جدا تتصل تسلم وتسكر او تشتكي وانا احاول اتهرب..
اللحين انا نفس قبل..وبالعكس تعلمت من الدنيا محد يستغلني..واهم شئ ماشئ أثر علي من اللي علمتني اياه..
بس ابا طريقه اقطع صلتي فيها ولا كانها موجوده في حياتي..حتى مابا اسمع صوتها..
المشكله تعرف رقم بيتنا واختي اللي اصغر عني..
قولولي شو الحل وياهـا..
حتى اللي تقدر تتواصل وياي عالخاص لاتبخل..والله ياجرها يارب..
بليز اللي عندها رد جارح لاتكتب لاني انا يت اطلب المساعده مب التشهير..
الله يصلحج ويثبتج
الله يرزقج بولد الحلال اللي يستر عليج ويفكج من هالاشياء
تعرفين ان اللي يسون هالاشياء ملعونات
لا تنطردين من رحمه ربج عسب وحده
الله يستر عليج
اسمحيلي بس اهلج و خواتج وينهم عنج يومج كنتي لاهية مع الشيطان
استغفر الله … و الله العظيم ما اتخيل بنات يسوون هالشي
استغفر الله العظيم
و انتي الله يهديج و يغفرلج
وانا انصحج تخبرين امج بكل اللي صار وامج اكيد بتتفهم هالشي
وغيروا ارقامكم وان شاء الله ربي يريحج ويهدي لج بالج
وبعيدين نصيحة لوجه الله …انا طالبة جامعية مثلج، حابه انصحج انج تشغلين نفسج بربج ودراستج والرفقه الصالحه وبس لان الجامعه صااايره اتخوف بصراحه وأي بنت ممكن تجرف غيرها وراها … الله يهديهن إنشالله … وهالبنت شكلها فيها شذوذ … ومرااات هالبنات صعب أنهن يتغيرن …فإذا ما اتغيرت ابتعدي عنها…
انتي دامج ابتعدتي عنها فهاي خطوه زينه بحياتج ..
والحين بدون خوف اتصلي حقها وقولي لها ابا اقطع علاقتي فيج وماباج ادقين ع رقم بيتنا
لا تقولين ما اقدر واستحي
يمكن اييج وقت تكونين فيه مهمومه وحزينه وواصله حدج من الدنيا وتلجأين لها وقتها عادي تردج للدمار
فانصحج لا تستهينين ولا تتريين شي
عطيها كاش وخلاص لان مثل هالبنات مامنهن فايده وبضيعج
ولو ردت تتصل ع بيتكم خبري امج ترد عليها وتقولها ماتتصل فيج والا بتخبر اهلها ..
والله يفكج منها
ويرزقج بالزوج الصالح ويهديج ويوفقج ويثبت قلبج ع الصلاه والقران