سمعت عن عيلة حالتهم حالة الاب معظم وقته سكران وخريج سجون وطبعا تفنش من شغلة وهذا خلا اهل بيته في حالة يرثى لها..واعتقد انهم ماياخذون فلوس شؤون لانهم مب مسجلين او امورهم متعرقلة والله ما اعرف الموضوع
طبعا تشكلت جهة شبه رسمية لزيارة المنزل من كم يوم :
البيت بدون ابواب
البيت فيه مكيف واحد في الصالة وكل العائلة تنام بالليل في الصالة طبعا هذا المكيف اهل الخير متبرعين فيه
لاتلفزيون ولاثلاجة ولاغسالة
قبل لايوصلهم المكيف عيال الريال كل يوم من الظهر يطلعون من البيت ويردون وقت النوم بسبب الحر اللي في البيت..وعدد افراد البيت كبير
تمرعليهم ايام بدون مايحصلون لقمة ياكلوها فيسيرون يمشون من البيت لبيت خالتهم عشان بس ياكلون وبروحها فقيرة ومطلقة وتقريبا المسافة بين البيتين نص ساعة مشي
ابوهم شايل كل سوتشات الكهربا من البيت عشان يبيعها ويشرب بفلوسها
الحين انا استغرب ليش الاب ماينسجن عسب يفتكون منه ومن حشرته وآذاه يعني لازم ينسجن لانه وجودة يضرهم ما ينفعهم..وشو ذنبهم يعانون
لا المشكلة تم تجميع مبلغ عشان يشترون لهم لوازم البيت الابو قال هاتو الفلوس انتو ماتعرفون قياس النعول(قالو له ايلس وارتاح نعرف)طبعا سلمو الفلوس لخاتهم عشان تشتري لهم الاغراض..وطبعا الاب في فكرة يدخلونه في مركز لعلاجة من الادمان
هذة حالة من عشرات الحالات اللي عندنا في الدولة للي يقولون ماعندنا ناس محتاجة
والله قصص تعور القلوب
ياليت يسوون لجنة فالدولة لشؤون المحتاجين والاسر المتعففة عشان كل حد يساعدهم..وهل البلاد اولى من الغريب
طبعا انا ماقول ما نساعد برع لكن لازم انشوف حل للناس المسلمين في بلادنا والغميضة انهم مواطنين ومحد يدريبهم غير الله سبحانه
