شحالكن خوااااااااااتي ..
يبتلكن موضوع للنقاش واتمنى كل وحده تقول اللي فخاطرها بصدق
شو الغلط فيه إذا المرأه قالت حق الرجل أبيك تكون زوج لي ؟ ..
شو الغلط فيه إذا إلمرا لقت الرجل المناسب بأخلاقه وبشهادة الغير ؟؟؟!!!!
شو الغلط فيه إذا إهيه بنفسها أختارته وبتخليه يا دهينه لا تنكتين وبتحافظ على بيتها وبتحترمه وتقدره وتقدر أهله بعد ؟؟؟؟؟؟؟؟!!!!!!!!!!!
سيدتنا خديجه رضي الله عنها أختارت الرسول صلى الله عليه وسلم زوج لها أكيد بلمره ما في وجه مقارنه بس إحنا ناخذ العبره منها وبعدين إهيه ما راحت وقالتله أرسلت مرسال……
شو الغلط فيه إذا جا أب البنت أو الأخ وقال لشاب أبيك تكون زوج حق بنتي أو أختي مع العلم إن في قبائل عندها ها شي إذا لقوا في رجل ذو خلق ودين أختاروه …..
شو تعليقكم ووجهه نظركم فيه ؟؟؟ ونظركم بالبنت اكيد ؟؟؟
فا أبي تعليقكم يا البنات أكيد مر عليكم ها شي يا بنات إنكم تلقون الرجل إلي تبونه زوج لكم بس ما تقدرون تصارحون أحد ؟؟؟ فا أبي تعليقكم فيه…..
وأنا راح أقول رايي بصراحه ومنكم السموحه إني أسبقكم :
أنا من وجهة نظري ما فيها غلط إن الأب أو الأخ إنوا يتحدث مع الرجل بهل موضوع إذا رضا رضا وإذا ما رضا إهيه مو نهايه العالم أكيد راح يجي الزوج في الأخر محد في هدنيا مو ماخذ نصيبه بس بيني وبينكم الزوج من إختيارج غير يصير في غصه شوي إذا قال لأ معن إذا أختارته معناه إنوا بتحطه بعيونها ؟؟؟؟
بس البنت إذا إختارت الشاب زوج لها فهذا معناه إنهم زينين وسمعتهم طيبه صح ولا لأ همن هذاالشي زين أنوا سمعتهم زينه بين الناس فشرايكم ..؟؟؟؟؟
مر عليكم ها شي يا بنات إنكم تلقون الرجل إلي تبونه زوج لكم بس ما تقدرون تصارحون أحد ؟ …
وذلك يعني بأنكِ عزيزتي لو كنتي في ذلك الموقف وقد أعجبك أحد الرجال و كان بالمواصفات اللي كل البنات تتمناها ( طبعا يعني التدين مب الجمال ) هل بتصارحينه
وشو بتسوين لو شفتي واحد وخاطرج يكون لج وعرفتي انه هب معرس ..
يالله بنات اريد تفاعل بلييز ولا بزعل 
وفي ناس تخطب لبناتها الريال الزين
في واحد قال لاخوي بزوجك اختي
لان اخوي ريال ملتزم –ماشاء الله عليه –بس ظروفه شوي صعبة الله يسهل عليه وتتيسر اموره
بس نحن خذناها عادة وعرف عندنا ان الريال هو اللي يخطب وهو اللي يتقدم للبنت
ممكن البنت تختار شخص وتلمح لوحدة من اهلها اعجباها فيه وهذيج اذا كانت لبيبة وتفهم بترمس اهل الولد والولد نفسه انهم يختارون فلانة لانها انسانة زينة
وجذه
لكن انا نروح نقول للريال او اهله ابغي اخطب ولدكم صعبة جدا
لكن كتلميح ممكن
كم مرة اسمع حريم يقولون لنا فلان يقول اذا يتوا تخطبون من عنده مابيردكم ولا بيطلب عليكم وايد
بس سبحان الله نتريا تتحسن الظروف ونسير نخطب لاخواني
دعواتكم لاخواني بتيسير الامور حتى نخطب لهم وبعزمكم عشان تشاركوني فرحتنا ان شا ءالله
انا اعرف وحدة راخت لبيت عمتها وطلبت من ولد عمتها انه يتزوجها والحمدلله تم كل شي على خير وعندهم عيال
والله يوفق الجميع