عساكن بخير دوووووووووووووووم مب يوم
طبعا ترددت كثير قبل ما اكتب هالموضوع … بس بصراحه ما أقدر استحمل أكثر
مشكلتي اني مدمنة جلابيات كويتية … أحب اكشخ فيهن فالأعياد والمناسبات بس
وبطبيعتي ما ألبس جلابيات إلا نادرا حتى فالبيت … أحياناً حتى أخواني لما يجوفوني لا بسه يستغربون
ويعلقون علي .. أخيرا استويتي خليجية … المشكلة تكمن في أن الجلابيات المعروضة في المنتدى
وفي أغلب المنتديات مب ذاك الزود … والمصيبة العودة أن البعض يطلب فيهن أسعار غير معقولة
نهائيا ومبالغ فيها كثير …
يعني بعض الاخوات في أحد مواضيعها كاتبه تنزيلات على الجلابيات
نقول مثلا 450 ، أصلا لما انعرضن المرة الاولى كانن بنفس السعر ،، والمرة الثانية وبعد التنزيلات
بعد نفس السعر ،، والمصيبة أني أول ما نزلت هالموديلات عندها فالمحل خذت وحدة على 400 ،
واختي وحرمة أخويه اشترن عقبي بأسبوع وبعد المكاسر على 350
يعني شو مفكرين الاماراتية قاعده على بنك ؟؟؟؟ تقدرون تضحكون عليها ؟؟؟ والا
البيزات اللي عندها محصلتهن فالشارع ،،، حرام وألف حرام ..
والله العظيم يابنات أعرف وحده تسير الكويت تاخذ جلابيات والله فحياتي ما شفت بجمالها عالنت بشكل
عام .. وانصقع من أسعارها تقول لي ب80 درهم اماراتي ،، وفي مرة اشترت لي جلابيتين كويتيات
من الكويت وهيه مسافرة كهدية ،، والله لما جفتهنن ما عطيت الوحدة أقل عن 3000 درهم ،
فقالت لي ما كلفني 250 درهم اماراتي ، والله أنه فخمات وراقيات وروعه شوي عليهن
كلهن شغل ، ووحدة موديلها عجيب ، ذهبي مع أحمر ماروني لبستها يوم العيد ، وربي شاهد علي أن
أخوي ما رضى إني أنزل من درج البيت بروحي .. والله أنه مسك إيدي ونزلني من الدور الثاني للأول
وهوه يقول تفضلي يا سندريلا ، والكل اتخبل عالجلابية ، هههههه وعلي طبعاً فديتني
وفي أخت مرة اشترتيت منها على النت لبس بحدود 200 درهم للقطعة ، ولما جفتهم كانوا ووعععععععع
والمصيبة تكمن أني قبل أسابيع سرت محل من المحلات فالستي سنتر، وحصلت نفس الموديلات اللي
شاتيهن من الاخت على 38 درهم والله العظيم وربي شاهد علي القطع قمة فالروعة والجمال ،،
والموديلات أحلى وأحلى ،، أقسم بالله أن الكل يقول لي جذابة مستحيل سعرهن 38 درهم بس ، أقل شي يمكن 300 …
وفي أخت عارضة بضاعتها هنيه ، وعلى أحد المنتديات تخيلن الجلابية عالمنتدى عندنا ب 800 درهم
وفوق وعالمنتدى في بلادها ب300 و400
واللي قاهرني وبموت منه أنها طايحه في بنات الامارات ومشلختنهن تشليخ ، ما يعرفن شي فالموضة
والأناقة ، ولبسهن عنقاش ، و… و… و… ، وهنيه حبياتي وعمري وما عرف شوووو؟
عنبوكن ، تاكلن من كدنا وتلعن يدنا
وللعلم ترى أنا ما أقصد أي تاجرة بذاتها … بالعكس في مجموعة من التاجرات بضاعتهن أكثر من
رائعة وأسعارهن معقولة جدا … وفي متناول الجميع ،،، ما يقصرن معانا ،،، أشيائهن غريبة وحلوة
الله يوفقهن ويرزقهن من حلاله
والسموحه من الجميع
والله اني نقعت من الضحك أثر سالفتج سالفة ويا البيع والشرا
تسلمين الغالية على المرور
بالعكس أنا اعرف ان في بنات ملعوزات التاجرات ويطلبن ووقت
وصول الطلبية ما يردن عليهن أو يغلقن تيلفوناتهن …
الضحايا من الطرفين … الغاليات
المشاركة الأصلية كتبت بواسطة روزس_بوظبي 
دخيلج الغالية
والله اني مب متأكدة من النك مالها … وما ابغي أسوي مشاكل ويقولون عني فتانة وراعية مشاكل
وكاتبه هالكلام في موقع لبنات عمان مب فترة قريته كنت أدور بشكل عام عن الجلابيات الكويتية
فالمنتديات … أتوقع انها مندوبة لتاجرة من التاجرات …. ويمكن تكون غير عن مندوبتنا .. الله أعلم
وما بحط في ذمتيه وبظلمها .. كله ولا ظلم الناس
أشكرج على التفاعل
واذا قلتي ليش يقولن في النت سعره اغلى وانتوا تشترون
الحييبات يقصن علينا
بالنسبه للمخلطات جربت اخذ من وحده وعيبني واحينا انا فـ التجربه الثانيه بس بعدها ماوصلتني طلبيتي وكلهن اسعارهن اوكيه يعني مب مبالغ فيهن (بالنسبه لطببيتي)
بس في اشياسعرها فيها ومتعوب عليها وفي اشيا مبالغ فيها
عـ العموم محد ياخذ اكثر من نصيبه والبنات واعيات ويعرفن يميزن بين الزين والشيـن:1 (2):