البنات و الوايلد وادي و جميرا بيتش
غالياتي انا عمري 21 سنه و الحمدلله من عايله متفتحه يعني و الا انه انا مطوعه
ع قولة البنات إلي إلي برمس عنهم اليوم يعني انا من نفس الجييل و مثلكم بالضبط احب
اروح البحر و الوايلد وادي بس مش معناته افصخ الحيا موليه و بعبارة افصخ الحيا اقصد
مش معناته مكان مافيه ريايل البس (( مايوه قطعتين او حتى قطعه )) ..،
خلوني ابدا اقولكم السالفه من البدايه ..،
كنا قروب بنات كبير من الجامعه متفقين نسير الوايلد وادي يوم الحريم والموضوع تم بس الي إنصدمت منه اللبس
يعني كيف تلبس البنت قطعتين و الملابس التحتيه تكون ((خططط )) ترا والله عييب و لمه فتحت الموضوع
قالوا عني تفكيري رجعي و انا مطوعه !! مع انه لبسي لشورت كنت اشوفه شي كبيييير والله بس بعد الشورت يستر اكتشفت !
ابداً ماكان اللبس المصخ دليل ع التطور يالي يحبون يلبسون هالصنف من الثياب
ابداً ماكانت البنت إلي ماتحب تبين جسمها صاحبة تفكير رجعي لإنه مب بس تستحي لإنه حرام ..،
انا مقهوره واايد كيف وصلنا هالمستوى المنحط من التفكير
انا مع التطور و مع الستايل بس ابداً مش معه إنه تخوز قيمنا و تعاليم دينا بس عشان نكون ع الموضه ..،
من القهر مب عارفه شقول و انا إلي دووم عندي رد لكل شي 
مشكوره ع الطرح غناتي
وأختي تفكيرج مب رجعي
خلي التطور ينفعهن يوم الحساب
وعمرهن مب عمر يهال عشان يتكشفن قدام الغريب
عورة المرأة حددها الاسلام
مشكوره على الطرح وكثر الله من امثالج ،،،
كلنا من عوايل متفتحه ،،، والستر علامة رقي وليس رجعيه .
التخلف والرجعيه لمن قلدت الساقطات ..
و لو كان التعري تمدن لكان الحيوان اكثر تمدنا ،،،،،
إذا جاريت في خلق ٍ دنيئا = فأنت ومن تجاريه سواء
يعيش المرء ما استحيا بخير = ويبقى العود ما بَقِيَ اللحاء
فلا والله ما في العيش خير = ولا الدنيا إذا ذهب الحياء
إذا لم تخش عاقبة الليالي = ولم تستحي فافعل ما تشاء
(( ابو تمام ))
والحياء شعبه من شعب الايمان .~
الله يهدي الجميع وانصحيهم ،،،
سبحان الله وبحمده … سبحان الله العظيم
ورب العالمين يهدي من يشاء قوووولي الحمدلله اننا ظانسوي شراتهن
المتفتح يكون متفتح بتفكيره المنطقي وبعادات وتقاليد الدين الاسلامي يمشي على هالمنهج والتفتح مايخصه بالتطور
التربية الصح هي اساس ومعدن الانسان …..الله يهدي الجميع