شو عطر فراشج المميز ^_^ جاهز من محل معين او من صنع ايدينج شاركينا

هلا خواتي

شخباركن ^^

حبيت انتشارك ونستفيد رباعه

شو عطر فراشج او حجرتج او خلطاتج المميزه الحصريه لبيتج ولبس ريلج مثلا للمعرسات ……..

ياريت كلنا نتشارك ونستفيد من بعض رباعه

جربت وايد عادي وغالي بس مالقيت شي مميز للحين
افضل شي الكوثر لكن الي اشترتهم من الحريم ويضربن ضربه ماعس فيه زود

ليلة خميس من اجمل روعه

مذهلة من عالم المسك , وعندهم انواع وايد من عطورات للفراش .

اول دوم استخدم مال اجمل بس مره عيبنى واحد من الكويت اظنى كان اسمه ثلجى ومره خذيت واحد من المعرض هم حلو مدرى شو البراند بس اظنى من اماليا للعطور وللحين ادور شى مميز وريحته غاويه وموضوعج حلو فديتج وبنستفيد منه واايد

انا من كل بستان زهره اخذ .. واللي يعجبني اشتريته وجربته ..
لكن مثل مال محل احمد المغربي (تراحيب) ماشميت ..
بس ريحته قويه فأنا أخففه بالماي أصبه في غرشه اكبر واصب فوقه ماي لين تمتزر تقريبا الغرشه واخضها وارش ..
واتم الريحه ليومين او ثلاث ايام ..

لبس ريلي انا ما اعطر وادخن غير الفوانيل والوزره الباقي ريلي يتفنن بالعطر اللي يباه لكندورته او سفرته (غترته)
العطور بعد من احمد المغربي .. مثل عطر اريج او فانتازيا او ون مليون ..
والدخون انا اخذه من حرمه فالعين .. أدخن به فوانيل ووزرة ريلي وكناديري وكفرات الشبريه ..
اما للبيت عندي كذا نوع وعندي عود معطر وعالمزاج بس لغرفة النوم دخون معيّن ما اغيره عسب تكون مميزه عن باقي البيت ..

وبس

منه حق الفراش رائحته ثابته على ٥٠ الغرشة