شو هي الاشياء اللي ممكن تتنازلين عنها فالزواج وشو هي الاشياء اللي مستحييييل 2024.

مرحبا الغاليات

مثل ما يقولون فالزواج لازم التنازل يكون من الطرفين عشان تستمر الحياه ويعم الاستقرار فالاسره

سؤالي هو

1- شو هي الاشياء اللي ممكن تتنازلين عنها لمصلحة الاسرة بشكل عام

2- شو هي الاشياء اللي مستحيييييل تتنازلين عنها لو شووو ما صار

افيدونا بتجاربكم

^_*

انا اتنازل عن اي شي ماعدا اهلي ☺

ما عرف والله .. لحد الحين ما واجهتني هالمواقف . وان شاء الله ما تواجهني طول عمري

بالنسبالي الشي اللي مستحيل اتنازل عنه هو انه يدوس على كرامتي او يحاول يلغي شخصيتي

أحس الوحدة لازم تتنازل عشان تمشي حياتها مع ريلها و أهله خاصة إذا الريال وايد متمسك ف أهله و شئ طبيعي اتصير حساسية أوقات بين البنت و عمتها ف لازم تتنازل و أتروح تعتذر حتى لو مب هي غلطانة بس عشان اتحافظ على ريلها و ما يكون في مشكلة ف حياتها بسببهم

وصعب التنازل عن حقوقها طبعا مهما الظروف كانت مثل الماديات و الحب ..

تنازلت عن السكن و اخر شي انضربت ع نفووخي ع قولة المصريييين
و رجعت طالبت بحقوقي مرة ثانية لين ما حصلت السكن المستقل

مستحيل اتنازل عن شخصيتي و شغلي و طموحي