.gif "12 (80)")
وركيظ ع المطبخ وانا معلمه الخدامه يوم ابا اللحم يكون شوربه انها اتسويها عشان اختصر الوقت وقمت سويت عيش ابيض وحطيت عليه سمن الدار شوي وحطيت جدر فيه خضروات مشكله عشان تنظى ماعندي وقت احطيها بعدين في الصالونه وقطعت بصل وقليته لين احمر وحطيت عليه ثوم شوي وبعدين حطيت طماطم مقطع صغير وشوي صلصة طماطم وفلفل اخضر يابارد ياحار ع حسب الرغبه يعطي نكهه حلوه وحطيت بعد بقدونس مفروم شوي والبهارات العاديه الي هي فلفل اسود كركم بزار ملح وبعد ماشوي الطماطم تم يطبخ حطيت عليه تقريبا كوب ونص من شوربه اللحم وكانت الخضروات نظت حطيتها داخل هي واللحم عشان يتشربون الصالونه ومن نشفت بندت عنها النار والساعه ثنتين كنت مخلصه الغدا والسلطه والجاي 
الله يعينكم ع الوصفه زين جان فهمتوا شي من الطريقه
وطبعا ع السباق الي كنت فيه صورتلكم النتيجه بس
وهني بحطلكم طريقه المجبوس للمبتدئات الي يدورون الطريقه
المقادير ديايه مقطعه وبصل مقطع متوسط وطماطه وحده بس وثوم وبهارات العاديه الي هي بزار كركم فلفل اسود ملح وبهارات صحيحه الي هي هيل انا احط حبتين ثلاث بالكثير جرفه كسره وحده بس ومسمار نفس الشي ثلاث حبات بالكثير هالسوالف تعطي نكهه
الطريقه قلي البصل شوي لين يذبل وبعدين حطي عليه الدياي وتمي قلبيه لين يتغير لونه والبصل يحمر اكثر وبعدين حطي الطماطه والثوم والليمون اليابس ولو تحبين ممكن فلفل حار حبه تعطي نكهه ومايكون حار وانا احب البقدونس في الاكل احط شوي بقدونس مفروم وقلبيه وياه لين يذبل الطماطم وينشف وحطي عليه ماي عشان ينظى الدياي ومن ينظى حطي العيش والماي يكون مغطيه واول مايغلي قصروا عليه يعني جنكم بتبندون نار خفيفه وخل ينظى ع راحته وبس
انا طرقي كلها بالعاميه وكل ع بعضه ان شاء الله تفهمون والي تبي تستفسر عن شي لا تستحي انا حاضره <<<<<<<<< قاصه ع عمرها اونها شيف .gif "12 (13)")
وتعرفون السرعه كل يوم عشان اخلص قبل مايوصل سي السيد فما اتفيج اصور بحطلكم بس الصوره النهائيه والي بتسألني عن الحشوه الي حذال المجبوس ترى محطيه الطريقه في موضوعي مجبوس لحم ع الضو
واليوم نزلت لكم طريقة كيكه هني الرابط والي يسون ريجيم لا يدخلون
https://forum.uaewomen.net/showthread…4#post12933724
ولا تنسوني من دعواتكم الحلوووووووووووه
لذيييييييييييييييييييييييييذ يوعانه وانتي يالسه اتعذبيني
ابي مجبوووس تسلم ايدج ع الطبخه
يبالج ذبح
متى بتيبين خدامة عشان نفتك من هالتعذيب اليومي
هههههههههههههههههههههه
من راحت الخدامة وانتي توليتينا
عاد أنا أحينه قاعدة آكل خبز أمي مسويتنه ويا جبن.. وماكلة 3 حبات همبى.. وبعد يوعتيني
الله يوفقج
الله يوفقج