بقولكم شو صار معاي البارح …
آخر دورة جتني بتاريخ ( 19/12/2009) ومن بعدها الحمد لله حملت
والحمد لله حملي طبيعي بعد 6 شهور من زواجي
عطوني موعد ولاده تاريخ 26/9/2010
المشكله بان البارح كان عندي موعد
والدكتوره قالتلي انتي فالاسبوع 27
وعلى حساب وموعد الولاده انا فالاسبوع 30
قالتلي انتي فبدايه السابع مع ان المفروض تاريخ 26/ 7 ادش الثامن
وبعد قالتلي وزن الجنين وايد صغير كيلو وميتين جرام ومفروض يكون اكثر
والمشكله الاكبر اللي صيحتني فالمستشفى ( قالتلي نموه بطئ) وايد انهارت اعصابي بصراحه
وعطتني موعد تاريخ 27/7/ 2024 وقالت بنسويلج سونار وبنشوف نموه فالخمس الايام اللي فاتوو
بنات منوه عندها فكره عن الموضوع وشسوي الحين
على فكره حتى كرشه ما فيني الا بسييييطه يعني ما يبين علي الحمال بالمره 
استغفر الله ربي العظيم
اعرف وحده نفس حالتج وحتى جالوها الجنين صغير وما بيكون سليم
والحمدلله يابت بنت تقول لقمر خوز وانا بيلس مكانك
ما عليج من هالكلام واللي اعرفه واللي سمعته من ناس خبره انه الجنين يكبر في الشهور الاخيره بسرعه
طبج منها ولزمي الاستغفار
وادعيلي ربي يرزقني الحمل السليم المعافى عاجلا غير ااااااااجل
الللهم اااامين
لا تخلي التفكير السلبي ياثر على البيبي وما اوصيج بعمرج تغذي زين
وان شاء الله نقرا قصه ولاااااااادتج
والله يخوفون الواحد ع الفاضي
وعلى فكرة المستشفيات يعطونج وزن تقريبي
مب حقيقي ولاعليج منهم,, أعرف وحده من الاهل في
أخر الثامن قالولها البيبي وزنه 4 كيلو,, خوفوها المسكينة
وتمت مب في حالة وحاطة في بالها خلاص عملية ولا كيف بتطلعة؟؟
المهم يوم ربت البيبي وزنه 3 كيلو و600 جرام
وكلي أمرج لرب العالمين والله بيسر أمورج
والله يسهل عليج وعلينا يااارب
ويرزق كل محروومه بالذرية الصالحة
المشاركة الأصلية كتبت بواسطة ضيفة شرف 
اعرف وحده نفس حالتج وحتى جالوها الجنين صغير وما بيكون سليم
والحمدلله يابت بنت تقول لقمر خوز وانا بيلس مكانك
ما عليج من هالكلام واللي اعرفه واللي سمعته من ناس خبره انه الجنين يكبر في الشهور الاخيره بسرعه
طبج منها ولزمي الاستغفار
وادعيلي ربي يرزقني الحمل السليم المعافى عاجلا غير ااااااااجل
الللهم اااامين
لا تخلي التفكير السلبي ياثر على البيبي وما اوصيج بعمرج تغذي زين
وان شاء الله نقرا قصه ولاااااااادتج
هي انا مخبريني انها بنيه ان شاء الله << شي ناس يقولون البنيه دومها جي تكون صغيره
ان شاء الله يا رب الله يسمع منج ويرزقني البي بي كامل الخلقه والخلق
بس هي كانت تراجع بأي مستشفى ؟؟
لاني انا اراجع بالكورنيش
المشاركة الأصلية كتبت بواسطة خيال بلا حدود والله يخوفون الواحد ع الفاضي
وعلى فكرة المستشفيات يعطونج وزن تقريبي
مب حقيقي ولاعليج منهم,, أعرف وحده من الاهل في
أخر الثامن قالولها البيبي وزنه 4 كيلو,, خوفوها المسكينة
وتمت مب في حالة وحاطة في بالها خلاص عملية ولا كيف بتطلعة؟؟
المهم يوم ربت البيبي وزنه 3 كيلو و600 جرام
وكلي أمرج لرب العالمين والله بيسر أمورج
والله يسهل عليج وعلينا يااارب
ويرزق كل محروومه بالذرية الصالحة
والله كلامج ريحني شوي من البارح وانا نفسيتي دااااااااااون << الله كريم
الله يسمع منج اختي ومشكورة عالرد
ترا قياسات السونار تكون تقريبيه يعني لا تحاتين ان شاء الله خير.
و بعده عندج وقت لين آخر التاسع ان شاء الله.
شكلج ما كنتي تتغذين عدل او ما خذتي فيتاميناتج. صح ولا؟؟
لانه الفيتامينات تساعد الطفل ينمو اسرع. و اغلب الحريم اللي ما ياخذن فيتامناتهن بانتظام و طول اشهر الحمل…يطلع البيبي صغير (بيتييتPetit)
و بالنسبة لنمو الجنين خليهم يسوون لج تحاليل و شوفي كيف
انا من أسبوعين بالضبط شيكت عند الدكتورة و قالت لي اني بأول التاسع
و انه البيبي صغير و من هالكلام و انا على حساااب الحمل كنت بآخر التاسع يعني
كان باقي لي 4 ايام و اولد …
سبحانك يااارب ربيت و يبت ولد و كان وزنه 2 كيلو و 800 غرام يعني وزنه طبيعي
لكن قدر الله و ماشاء فعل يااافرحة ما تمت طلع ميت بسبب الحبل السري ..!! الحمد لله
بس الفكرة انه كلام الدكاترة هب صح داائما لنه حكمة رب العالمين تقضي ..!!