صديقتي وزوجه البارد 2024.

صديقتي تحب زوجها وزوجها يحبها بس مشكلتهم لما يبعد عنها ما يسئل عنها ولا يتصل فيها

ولما يكون جنبها كل انواع الحب يعيشها فيها ولا كانه صار شي

هذا الشي جننها وزهقها مرات لحظات الحب تستمر ساعات وبعدها يسكت ولا كانه معاه احد هذا الشي صار يضايقها وكلمته بس ما في فايده شنهو تشوفون الحل

المشكله انه ما يبغي عيال الحين وهي تبي

شيء اكيد الريال عنده اشغال ثانية غير كلام العشق والوله لزوجته

وكل شي له وقته

مب معقولة طول الوقت بيتم يسمعها كلام غزل

هالكلام ايام الملجة لكن عقب الزواج لازم يكون في شوية تغييرات

واذا هو ما سأل خليها هي اللي تسأل وتطرش له مسجات غزل وكلام حب

وشوي شوي بيتعود ع هذا الشي وبيقابلها بالمثل

فخليها هي اللي تبدا تعوده ع هالشي

واذا ع سالفة العيال هي اشياء هم ادرى بها منا نحن

ما نقدر نقول لها احملي غصبا عنه ويمكن باجر تحمل ويقول لها عقيه ويبتعد عنها اكثر من الحين

والله يهديهم

الله يهديه بس خليها هي اللي تبادر يعني تسمعه كلام حلو فيه حب وتتغلى عليه وتقوله انها مشتاقه له وولهانه عليه بعدين تقوله وانت ما اشتقت لي وما ولهت علي وتشوف رده اذا قال هي تقوله ليش ماتسال عني عيل يوم تكون مب موجود وياي في البيت ولا بس يوم تكون موجود تقولي هالكلام وبره البيت تنساني وما تسال عني ولا تتصل فيني

الله يكون في عونها

اختي الغاليه كل ريال وطبعه وهذا الشي عادىوعلى فكره في ازواج العكس وكل وحده ونصيبها

انا اشوف الموضوع عادي لان اغلب الريايل بهالطريقه ليش هي زعلانه ومكبره السالفه يمكن هو هب من النوع اللي يحبون يرمسون ويعبرون عن طريق التيلفون يحب يعبر لما يكون وياها وبعدين اذا هي تحب تسمع شوقه له خلها هي اللي تعوده على التعبير من خلال التيلفون