ولدي عمري 3 سنوات بس بعد مايتكلم ولا يفهم والله تصيبني غبنه لانه الي فعمره كلهم تسجلو بالروضه هالسنة الا هو الحمدلله على كل حال
عرضناه على اطباء وسوينا له اشعه على راسه وفحص سمع وتحاليل جينات قالوا لنا انه اشعه الراس من برع مافيه شي بس مايندرا من داخل وفحص السمع الحمدلله تمام وبس فيه ضعف سمع بسيط جدا في الاذن اليسرى اماتحاليل الجينات فقالو الحمدلله زينة
محتارة كيف اعالجه
يتعالج حاليا في مركز زايد مرتين فالاسبوع ولكن ماستفاد بشي ابدا
تأخر فالمشي تقريبا لسنتين ونص الدخاتر شاكين انه المشكلةعصبية او وراثيه
الي عندها حل او علاج ممكن تساعدني لاتبخل علي فبه والي ماعندها دعوة طيبه لولدي تكفيني يزاكم الله خير
الحمدلله على كل حال
عطي ولدج زيت السمك اللي يكون كبسولات شفافة صفرا واااااااايد مفيدة للاعصاب وان شاءالله يستفيد منها اهم شي ان نفسيتج اتكون حلوة ومعنوياتج مرتفعة علشان ولدج ما ايحس انه فيه شي وان الامور كلها طبيعية مع الوقت بيتحسن وبتلاحظين الفرق
عليج بالدعاء في جوف الليل سبحانه وتعالي قال ادعوني استجب لكم ودعاء الوالدين من الموجبات سبحان الله
اقري على ولدج الرقية الشرعية بتساعده تطوره واسقيه من ماي زمزم بنية الشفاء
ولاتنسين الصدقة كل يوم تصدقي بنية شفااء ولدج والله بييسر لج مثلا كل يوم اشتري خبز تنور ايراني ووزعية عالجيران كل يوم بيت او اعطي حد محتاج
الله يشفي ولدج ويعافيه ويجعله من البارين بوالدينه وتشوفينه من المتفوقين المتميزين باذن الله واتشوفين ذريته باذن الله سبحانه وتعالى
والسموحة منج عالاطالة
ان شاء الله مافيه الا العافيه دعواتج له الغاليه
مشى عقب السنتين وما كان يتكلم ولما سووله فحصات كل شي كان اوكي حتى شكله وكل شي طبيعي
والحينه الولد عمره 13 سنه ونفس الشي يتكلم نفس ياهل عمره سنه وماله علاج غير تدخلينه مراكز ذوي الاحتياجات الخاصه
اختي تلاحقي من الحينه احسن لانه ربيعتيه تاخرت واااااااااايد وهالشي اثر في الولد
ثاني شي ولدج يوم انولد كان طبيعي والا ؟؟ انتي شو تحسين
جوفي الغاليه لو عن اذنه ترا ضعف السمع ياخر النطق ركبو له سماعات وبيبدا من اول ويديد يسمعكم فينطق بعد السمع
ويمكن يكون ولدج يته عين ونحن ما نكبر الامور لانه الرسول قالها نصف امتي تموت من العين من جيه اختي اعرف مطوع اسمه ابو عبد الله ما شاء الله عليه ما ياخذ بيزات من عجمان لو بحصل رقمه بعطيه لج بدوره لو تبين طبعا وتروحين له بالميعاد نفع ناس وايد طبعا باذن الله يمكن تكون عين ونحن نراكض بعيالنا والسبب نقدر عليه بالقران ولد واحد من الاهل تاخر بالنطق والله يختي بس يوم سارو له ما شاء الله تبارك الرحمن لحق رمسه اقرانه ما بتقولين تاخر
اهم اهم شي الدعااااااااااااااااااء تمي ادعي له والله صدقيني الله ما يضيع دعاء عباده الحمد لله ودعاء الوالدين مستجاب واستغفري وايد في الدعاء وان شاء الله بيروح الروضه وبيفرحكم
والله يحفظه