طالبه المشوره يا اهل الخير 2024.

هلا
ممكن تشورو علي
انا ساكنه مع اهل زوجي من 7سنوات من دون عيال والحمدلله
وطبعا العيشه مع عمه نفس عمتي صعبه
واااااايد وخاصه انه تقول ان انا ما ايب عيال.
المهم
اخر فتره
انا كله اصيح لو يالسه بروحي اصيح
لو اطالع تلفزيون هم اصيح كل ما اتذكر كلامه وحركاته
ودوم اقوال يمكن انا غلاطانه بس طول الفتره انا ابد ما رديت عليهم او طولات لساني.
وقبل فتره فاتحت زوجي وخبرته اني خلاص ما قادره اصبر اكثر من جذي
واريد بيت …..
بس زوجي قال انزين راح اخبر اهلي انج ما تبين تعيشي معاهم خلاص
قلتله ليش انت ما تبي تطلع قال لا
انا خايفه اذا طلعنا يتغير علي لان هو معاملته معاي زينه ويحبني
هو كلم اخوانه علشان يكلمون ابوهم ان هو بيطلع وبعد محاولات وافق عمي.
عمي يقول انتو شخصين ليش بتظهرون.
وزوجي قال انه استشار ربيعه ونصحه ان يظهر من البيت .
بس كل ما يشوف زوجي بيت ما اعرف ليش تتسارع دقات قلبي وارحمهم واحس بشعو ما اريد اطلع
علئ فكره انا وزوجي صلين الاستخار كم مره .
هو دور فتره وفجاء وقف وانا خايفه اساله شو سويت يتعصب علي علشان ما يضايق
وقبل كم يوم لما كنا خاطفين عند بنايه شقق قلتله شو رايك ناخذ هني جريبين من اهلك.
قال صبري علي شويه كم شهر انا خايف يقولي صبري صبري واتم علئ هذي الحاله
بس والله حاسه اني خلاص ما قادره استحمل اكثر من جذي …
شو تشورون علي يا اهل الخير

الله ييسر أمرج …

ما ادري شو اقول لج …

بس واضح انه ريلج طيب و مب من النوع اللي يتخذ القرار بسرعة …

انت شجعيه …

و طلعي صور اثاث من النت ..

قولي له : بسوي غرفة النوم بهالطريقة ..

و الصالة : بزينها وبرتبها …

و بلبس لك و بكشخ وبناخذ راحتنا في كل مكان في البيت

^^

الله يعينج ان شالله

خذو شقه قربهم عشان مايكون بعيد عنهم

[]lمن حقج اختي تسكنين بروحج و من حقج يكون عندج مجلس بروحج تستقبلين فيه ناسج و اهلج و من حقج يكون عندج مطبخ بروحج .

العشرة مع أهل الريل صعبة حتى لو كانوا ناس طيبين .
اذا نحن بين الاخوان الي من لحمنا و دمنا نضارب مرات و يستوي سوء فهم
ما بالج مع اهل ريلج,اكيد بتستوي مواقف هاي سنة الحياة.

لهذا يستحسن تسكنين في مكان يكون قريب من عمتج و تزوريها كل مره
و جي القلوب دوم بتكون فيها المحبة.

مع اني عندي عيال و ما اتمناهم يوم يكبرون يطلعون يسكنون ويا حريمهن بروحهم
لكن ارجع اقول سنة الحياة

الله يوفقج و يرزقج الذرية الصالحة.[/B]

للرفع