طالبه خبرتكن لاترتني والله يجازيكن الجنة إن شالله

الله يعطيكن الصحه والعافية بنات, ويرزقكن إللي فبالكن إن شالله , اليوم رحت العيادة وقالت لي الدكتوره إن بنتي إللي عمرها 4 أشهر فيها حساسية فصدرها , والله يا بنات إني انصدمت شو أسوي فيها صغيره حرام, وقالت استخدمي إلها البخار 4 مرات فاليوم وهي تكح وايد, بنات أرجوكن شورن علي أستخدم إلها البخار وإلا لأ وأنا خايفة تتعود عليه,

بنات بليز عطوني من خبرتكن , وإذا عندكن دكتور فأي إمارة او أي وصفه شعبية مع العلم إنها تشرب حليب طبيعي

الله يعطيكن العافيه إن شالله

الله يعافيها يا رب
أحسن عطيها البخار لأنه يريحها

ولا تحاتين المهم التزمي بالدوا

عادي اختي عطيها البخار و بترتااح

ربي يخليها لج

عااادي البخار ما ايسوي شي
اذا فونتولين وماي وملح عطيها عادي
بس اذا اللي اتييج عشكل دويره فيها ماي هذا كرتزون بس خفيف وما يأثر عالياهل بس أنا ما كنت أعطي اعيالي أخاف واستعمل الفونتولين

حبيبتي عادي عطيها البخااار واااايد بيريحهاااا فديتهااا..

اخت ريلي ولدهااا نفس الحاله ..وواااايد تعب عليناااا لانها ما كانت تستخدم البخااااااار..

البخار يوسع الشعب الهوائيه وتقدر تتنفس عدل..

الله يحفظهاااالج ويخليهااا ويشافيهاااا..

صدقهن البنات عادي البخار أنا قبل ما كنت أستعمله حق بنتي كنت أخاف بس الحين حمدالله من استخدمته صارت أحسن……..

الغالية ..استخدمي ..البخااار وايد بيساعدهــــا