طريقة الحليب بالزنجبيل .الفاشلة .HELP 2024.

السلام عليكم
أخواتي بغيت أسألكم عن طريقة الحليب الطازج بالزنجبيل الطازج
لأني كل ماأسويه يتكتل ويصير نفس الروب
جربت أغليه
وأدفيه
وأخلط بارد وحار
بس كله نفس النتيجة
"روب بالزنجبيل"

وعليكم السلام ورحمة الله وبركاته .*

تفضلي حبوبة :

1-اغسلي الزنجبيل زين مازين وقطعيه قطع متوسطه
2- حطيه بجدر وصبي عليه ماء تقريبا 1 كوب وخليهم يطبخون لين يصير لون الماي اصفر
3- اغلي الحليب بروحه
4- صفي الماي مال الزنجبيل وصبيه على الحليب واخلطيهم
5- حطي السكر حسب الرغبه

وبالعافية .*

مشكورة اختي "sharjah " بجرب طريقتج ان شاء الله
اختي D.S.F الطازج مال العين والمراعي

احسن حليب المراعي جربت قبل حليب العين قبل اسووس شوربه شوفان وطلعلي كانه مخلووط وتكتل الماي بصوب والحليب بصوب ثاني وانتي جربي هذا وهذا وشوفي النتيجه اي احسن

يوم بتغسلين الزنجبيل قشريه عدل لاتخلين ولا نتفة من القشر عليه لأن هو سبب التكتل يصير كأنه روب مع ماي جربي وشوفي

أنا طريقتي نفس طريقة الاخت اللي فوق بس شوي غير

أغسل الزنيبيل عدل واقشره

وعقب ابشره بمبشرة الجبن

واحطه في الغوري مع ماي شوي تقريبا نص كوب

واخليه يطبخ على نار هااديه

ويوم اتحسين انه كفايه من الطباخ

صبي الحليب وخليه على نار هاديه لحد ما يفور

وعقب صبي في الاكواب وحطي سكر

على فكره انا اسوي الحليب بالهيل نفس الطريقة

يعني اول شيء ماي وهيل اخليهم يطبخون عدل وعقب اصب حليب واحط في الاكواب سكر وزعفران <<<< رهيييب للبرد