منو تعرف طريقة الخنفروش
لأني شفتها عند ناس مسوينها علي مكينة الدونات بس طالع رهيب
فهموا عاد………………….!
انا ما اعرف بس الوالدهـّ تعرف وهي رااقدهـّ الحينهـّ
بيض + طحين رقم 1 + زعفران + ماي <– هذا اللي أذكرهـّ <– واايد عليهـّ أدري خخخ 
بس بسأل الوالدهـّ وبرد عليج خبر ان شاء الله ,, اذا شفت محد ياب لج المقادير
السموحهـّ منج والله يحفظج ان شاء الله
هلا وغلا باحلى الخوات
هذا الخنفروش اللذيذ مع الهيل والزعفران
والطريقه مضبوطه ومن اول مره تضبطونها إن شاء الله
المقادير :
1 كاس طحين رقم 1
6 بيضات
1 كاس سكر
1 كاس طحين عيش (( ارز ))
نص كاس زيت
1 ملعقه كبيره هيل مطحون
فنجان ماء ورد مضاف اليه زعفران (( الزعفران على كيفج انا احبه وااايد ))
شويه فانيلا
1 ملعقه صغيره بيكنج بودر
الطريقه :
نضع البيض ويضرب بالخلاط وعقب نضيف السكر والفانيلا حتى يغلظ القوام شويه
ثم يوضع (( طحين العيش وطحين رقم 1 )) والزيت والبيكنج بودر
وبعدها يضرب بالخلاط لمدة خمس دقايق في الاخير نحط الهيل والماي الورد والزعفران ويضرب مره ثانيه شويه
ويترك بعد الخلاط لمدة نص ساعه
ثم ندهن الماكينه بالزيت ونصب مقدار من الخليط ويترك حتى يستوى
هني وعافيه ,,,