الهريس من الاطباق الشهبيه المعروفه في الخليج وخاصه بالبحرين وبالسعوديه والهريس يعمل في كل الاوقات وخاصه في رمضان والمناسبات
كثير يسئلون عن طريقة عمل الهريس ……
مقادير وطريقه الهريس
الطريقه العاديه
1- يسلق الهريس في ماء وملح
2- يوضع الدجاج المقطعه نصفين بعد تنظيفها او اللحم
3- يضاف الملح
4- ويترك على النار هاديه لمده 4 او 5 ساعات
5- ويزيد الماي اذا احتاج الامر للهريس …واول ماتنتفخ حبات الهريس يعني يستوي
ويضرب الهريس بي مضرابه او ملعقه كبيررر وبالعافيه
&&&&&&&&&&&&&&&&&&
&&&&&&&&&&&&&&&&&&&&&&&
طـــــــــــــــريقتي انا بالهريس بالدجاج وهي لذيذه مررره
1- 2 كوب وربع هريس مغسول ومنقوع بالماي
2- ماي يغلي في القدر بعد مايغلي الماي ضعي الملح وحبتين ماجي ورشه ابهار
3- ضعي الحب والدجاج المقطع المنزوع الجلد انا افضل اشيل العظام من الدجاج عشان ماتنهرس وقت ضرب الهريس
4- ويترك على النار لمدة 4 ساعات ويزيد الماي اذا احتاج
5- يضرب الهريس
الطريقه بالصورر
حب هريس
دجاج مقطع من غير عظام
ماي مغلي في قدرر ضفت عليه بصله مقطعه وطماطتين والبهار والماجي
يضاف ماء مغلي يكفي لتغطية الحب بحوالي 6 سم ، يغطى القدر ويترك حتى يغلي الماء . ويضاف حب الهريس
و يزال الزبد الأبيض المتكون على سطح الماء . من الهريس
ضعي الدجاج على بعد ربع ساعه من وضع حب الهريس
وممكن تضعي الدجاج والهريس في نفس الوقت يطبخون
يغطى القدر جيدا ويترك على نار هادئة لمده 3 ساعات وكل فتره روحي قلبي الهريس ويترك حتى ينضج وتنتفخ حبات الهريس واذا احتاج الهريس
ماي وماانضجت حبات الهريس صبي عليه ماي حار كل مااحتاج حتي تلين حبات الهريس
اتركي الهريس على النارهاديه وغطيه ولاتقلبيه حتى تتكون الشوربه ويرتفع الماي الزايد فوق ويتم حب الهريس تحت في قاع القدر
شوفي هذي هي الشوربه الهريس وهو الماي الزايد
تزال الشوربة المتكونة على سطح القدر إذا كانت زائدة وتقدم مع الفطور مع الليمون الأخضر وتعد شوربة فاخرة ومغذية جدا
هذي هي صوره المضرابه على شكل ملعقة خشبيه قويه وتستخدم لضرب الهريس
الحين يوضع قدر الهريس فوق كيس خيشة اوقماش موضوعة على الأرض ويضرب الهريس باستخدام مضراب الهريس حتى يتجانس المقدار جيدا
الصورره قبل مااضرب الهريس شوفي حبات الهريس كبيرره وناضجه
وهذي الصورة بعد ضربه بالمضرابه
للتقديم
يصب الهريس في صحون التقديم وتغمس ملعقة مستديرة في الزبدة ويعدل سطح
الهريس باستخدام ظهر الملعقة ، تعمل حفرة في وسط الصحن ويصب فيها المتبقي من الزبدة ويقدم الهريس حارا .
وافضل زبده بوكرسي لذيذه مررره وريحتها اجنان
وهذي شوربة الهريس تقدم مع ليمون
وبالهنا والعافيــــــة
لاتنسوني بدعاء والذريه الصالحه
هذي مضروبه مب هريس..
بس يمكن لانها على الطريقه البحرينيه…
يسلمووووووووووووووو
المشاركة الأصلية كتبت بواسطة أم حورية 
هذي طريقتي انا احب احط طماط وبصله وماجي وشويه بهار لاني مااحب الاكل المسلوق
والطعم لذيذه مرره والطريقه العاديه والمعروفه هي دجاج وحب هريس وملح
يعطيج العافيه
المشاركة الأصلية كتبت بواسطة um.shamma العفوا حبيبتي
المشاركة الأصلية كتبت بواسطة t5toooo5ah هذي مضروبه مب هريس..
بس يمكن لانها على الطريقه البحرينيه…
يسلمووووووووووووووو
هلا وغلا
هذي هريس مو مضروبه في فرق بين الهريس الهريس حب قمح نستخدمه زي الي في الصورره
والمضروبه من عيش
وهذي الهريس طريقه اهل الشرقيه في السعوديه واهل البحرين
يعطيكم العافيه
