بالنسبة لتجهيزات الصالون في شركات كتير
سوليز-غازي-ماضي-ماتركس-ميرا…………….
اما بالنسبة للحف انا دوم افضل الهندية
و للحلاوة و المنيكير بديكير فليبينية
و طبعا قص و صبغات و هايلايت………… لبنانبة سورية او اردنية
موفقة باذن الله
وتقدرين تروحين التنين ( الصيني ) فدبي فيه كل اللي تبينه
بالنسبة للي يشتغلون
الفلبينيات لسوالف القص والمنيكير والبديكير
الحنايات والحف هنديات
اممممممممممممممم وتسريحات انصحج بالمغربيات والتوانسة شطار بهالامور
المكياج دوري خبيرة لبنانية او سورية لو تحصلين مواطنة بيكون وايد اوك
شو بعد بالنسبة للخبرات الاغلبية ما يكون عندهم شهادات لانها موهبة بس تقدرين ادخلينهم فكورسات تعليم وتدريب فنون الصوالين فيه مراكز تجميل خاصة فدبي خصوصا فجميرا يدربون اذا انتي تبين الصالون تستوي له سمعة حلوة وشغله تمام
عندج مركز سارا كارميديان مب متاكدة من الاسم يطرحون مثل هالدورات التدريبية
امممممممممممممم شو بعد
عندج من الامور المهمة في تصميم الصالون خليه نظام غرف مستقلة يعني انتي وميزانيتج سوي بيبان زجاج اللي ما يشف او ستاير جي الزبونة تاخذ راحتها في منهم ما يحبون حد يشوفهم وجي
والنظافة وايد مهمة فالادوات ومظهر الصالون وريحته هم لهم وايد دور
اهتمي بكل هالنقاط وبتكون الامور طيبة باذن الله
االله يوفقج غلاتي
واتمنى اكون فدتج