طلعي كل اللي في قلبج هنا بدل الأكل صدقوني ينفع 2024.

سلام ..

نصنا …يفرغ همومه في الأكل ..وأنا أولكم من أكتئب ولا تتعب نفسيتي …أركض للثلاجة .. بس هالشي ان شاء الله بينتهي .. الني بديت ريجيم اليوم .. وأبي أطلع كل اللي في قلبي في هالموضوع ,,

جاروني وصيروا مثلي ماله داعي تذكرون اسماء وأذا ماتبون حد يعلق عالمشكله اكتبوا لاتعلقون .. بس أبي أطلع اللي في قلبي .. :1 (5): …

ببدأ أنا ..

فلان …

تعبت من كلامك وتعبت من سخريتك …اليوم وانت تقولي هالكلمتين بدون ماتراعي شعوري .. زين ماركضت للثلاجة وانتحرت بقوطي مايونييز :1 (81):

صج انا دبه .. ومب بس دبة الا دبة حييل .. بس الناس مشاعر ..

ما ابي حد يعلق حطوا الي في قلوبكم وسبوا اللي تبون ….ويلعنها من عيشة مانلقى حد يفهمنا ,, ر

الله يكون في عونج..

طلعي إللي في قلبج ولا يهمج بس الثلاجه قفليها ولا تقربين صوبها المطبخ بكبره لا أتييييينه

وإذا تبغين شي خبري البشكاره ..

استغفر الله ربي العظيم اختي العزيزة …. الانسان يحمد الله على العيشه وانتي تلعنينهااا …
ادري انج مضايقه حبيبتبتي …منو ما يبى جسمه طويل وضعيف ومتناسق ّّ!!! اكيييييد كل البنات يفكرن بهالجسم ….. بس كل واحد وخلقته والانساااان مايقول غير الحمدلله على نعمة الصحه …..
قبل لا اتزوج من اربع سنين كااان الكل يمدح جسمي طولي 160 ووزني 55 … والله انه حتى من اروووح السوق يقولولي انتي شو نظااام اكلج …؟؟ وانا ماعندي نظاام ولا شي اكل ليل وصبح والله انواع الايسكريمات والشوكليت والسندويجااات …. نجتمع انا وربيعتيه ونبخ من هالاكل هههههه
والحين عندي بنتين وكل ولاده اكون زااايده فيها الدبل مره وصلت ال75 كيلوو …
والولاده الاخيره وصلت 83 …. !!!!!!!!!! بالاول تعقدت من جسمي بس عطيت لروحي امل قلت من اطلع من الاربعين راح ابتدي لعب رياضه لكن من دووون ريجيم علشااان البيبي مايضره وقت الرضاعه …وتميت مستحيه من جسمي .. الكل يعلق خل الاكل حق ام هيااا …. والعافيه خذتهااا عن بنتهاااا … ومن هالكلام اللي يجرح ويحز في الخاطر…

صممت عقب الست شهووور اسوي ريجيم مخفف … والحمدلله رياضه مع ريجيم مع روووح رياضه لكل شي من حولي …ضعفت وغداااا جسمي 65 كيلو الحييييين وكككككككلللللللللللهن ردن يمدحن جسمي الحيييييييييييييييييين …

والحمدلله على كل حاااال …

انا تعبت نفسيا اكثر منج .كلهم يطنزون على زنوودي جنج مسويه عضلاات وحليلج جسمج صغير بس ايدج الصرااحه مخربه واااايد لازم تسويلها حل تعبت ما حصل قمصان اذا البس بيدخلني ما يدخل عند الايد تعبت ما تتخيلين كيف ..لا وانا مب طويله بعد طولي 150 بس يعني تخيلي ووزني 67 بس زنوودي ترووع..ومن اسوي ريجيمات واكمل اسبوع عقب انفج جني ما كلت من سنه ..بس انا خلاااااااااااص قلت ان شاء الله من ارد من العمره بصبر كم من يوم عشان الناس الي بيزورونا ومن عقبها ببدا بريجيم الشوربة الحارقه ..وسويتلي جدول ريجيمات كنت اسوي عند نيتريشن سرت يمعت الاسابيع الي كنت عنده ومن عقب ريجيم الشوربه بسويهن كلهن ..وخذت ريجيم ولد خالي كان يتعالج في عيادة مكه بسويه عقبه وبشترك في نادي رياضي من انزل عن خمسه كيلو عشان انا من انزل الخمسه استاانس على عمري وارد اكل …بس الحيين خلااص وقررت اصور ايدي واحطها على باب الحجره وفي الحمام الله يكرمج عشان من انش اشوفها فكل مكاان …واتم ملتزمه ..ابغي ايي عيد الفطر اكوون غير ما ابغي البس مخوره فأول يوم ابغي البس فستان مفصل على جسمي الحلو …وبسييط..

خليينا نشعج بعض وان شاء الله بدعييلج وياي فالعمره انه تكون عندنا عزيمه وإرااده قويه عشاان نضعف …ومن ارد من العمره بسأل عنج بشووف اخباارج وخل عنج الثلاجه حطي عليها صوورة وحده حلوه عشاان نتقهرين وتعاطين ظهرج للثلاجه وتروحين عنها…جني واايد اتفلسفت بس يالله هو الموضوع عشان انطلع حرتنا ..انا كل ما انقهر برد لهالموضوع وبتكلم فيه ..

صدقج يا اختيه انا بحط صوري الي فيها ويهي دب فضيييحة الكل حلو بالعرس الا انا دبه بس الحمدلله ع كل حااااااااال
انا اقول جيه لاني بالاصل كنت تقريبا وزني 60 والحين 75 وفوق بعد يعني 15 كيلوا زايده وووطولي 158

وزنك مثل وزني وطولك مثل طولي ومعناتك مثل معناااااااااااااتي
وكانج تتكلامي عني
ازنووووووووووووووووووووووووووووووووووود وما ادرك ما زنوووود
انا بعد ذبحتني
الله يكون في عونا يوم ترجعي من العمره ان شاءالله طرشيلي رساله خاصه او خبريني

هذا يسموووونه فجعنه .. مفجوعه على كل شي حلو .. و المرغوب ممنوع..

أنا أتييني فترات أتماسك.. و يغروني بالشكولت الي أيبوونه من ألمانيا.. لندن.. و أقوللهم .. لاااااااااااااااا ما أريد.. شبعانه…
بس فترات أحس.. أيي على اليابس و الخضر..

قالتلي الأخصائية لأني أعاني من الملل… و أسهل شي أسويه الأكل!

و نصحتني بشي.. حطي روب فواكه قليل الدسم أو فاكهه أو خيار وجزر

صحيييح.. فشة خلق أحسن من فشة أكل

شكرا على الموضوع..و بتشوفييييينا دوم أهنيييه