عرايسنا الحلوات خلي شهر عسلج مميز بالسفر لهذي الجزيرة الروووعه!!!! 2024.

هلا خواتي

الف الف مبروك مقدما لكل عرايسنا الحلوات

وعقبال البنوتات ان شاء الله ..

السفر في شهر العسل يكون ولا ارووع .. ف اختاروا المناطق الرومانسية الي ممكن انها تقربج اكثر من ريلج .. ابعدوااا عن الاماكن المزدحمة والي فيها ناس وااايد .. لانه صدقوني شهر العسل ما يتعوض ..

لا تقولونلي شهر عسل في ماليزيا ..

ولا تايلند ..

ولا الملديف ..

لااااا .. مالكم الا جزيرة موريشيس الصراحة خيال ..وخاصة منتجع four seasons resort-anahita المنتجع الي يعتبر احسن منتجع في الجزيرة .. الحلو انج تاخذين فيلا فيها مسبح خاص .. حديقة خاصة .. وبحر خاص (على حسب الجهة للفيلا الي ماخذينها)

هذي بعض الصور للمنجع والفيلا من النت .. لو حصلت تشجيع بحط صور رحلتي

وهذي صور متفرقة من مطاعم المنتجع المختلفة .. وغرف السبا الي تكون لج ولزوجج .. في نفس الوقت يسوونلكم مساج .. وماخبركم عن مساجهم وااااااااااااااو من الخاطر والاجواء ولا اروع

[IMG]https://www.travelplaces.co.uk/images/*****_middle_east/aerial-view-kuda-huraa.jpg[/IMG]

طبعا الحلو في المنتجع انه فيه وااااااااايد نشاطات ممكن تسوينها ..

مثل هذي الرياضة البحرية .. ما اعرف شو يسمونها خخخخخخخخ

وغيرها من النشاطات مثل السكونرات بمختلف الاحجام … الدونات بووت .. والبنانا بوت .. الي تيلسين فيه ويسحبج بووت ثاني .. رووووعه من الخاطر ..

وممكن تركبين بوت .. ويويدونج جزيرة ثانية تبعد عن المنتجع تقريبا 10 دقايق … ممكن تسوين نشاطات ثانية .. مثل رحلة بالبوت للشلالات .. وتركبين الباراشوت .. الي كل شوي ينزلونه لين ما توصلين على مستوى الماي .. الصراحة روووعه

الي يميز هذا المنتجع :

1– انه رااااقي بمعنى الكلمة

2- الخصوصية فوووق كل شيء .. تحسين انه ما فيه حد في المنتجع غيرج .. بس هو يكون فل

3- وااايد نشاطات ممكن تسوينها ..وكلها تناسب 2 .. انتي وريلج .. في السكوتر والباراشوت وكل شيء .. صدق مكان مميز يقربج من ريلج اكثر واكثر ..

4- والاهم انه مافيه عرب ههههههههه يعني طول رحلتنا 8 ايام .. شفنا مرتين بس عرب ,, بالغلط ههههههههه مب شرات الاماكن الثانية لشهر العسل الي صدق ما ترومين تاخذين راحتج ..

5- اذا سرتي في شهر العسل .. يسوونلكم مفاجآت حلوة … مثل العشاء المجاني .. سبا مجاني .. يوم تطلعين من الغرفة يرتبونلج الوزد على الشبرية .. ويحطونلج الشموع وغيره .. ولااا كل يوم الشيف يسويلج سويت او عصير معين حقج انتي ورويلج ويحط بطاقته عليه .. يحسسونج انج انتي وريلج اهم الاشخاص الي في المكان .. ههههههه

يتبع

غير عن المنتج

anahita – four seasons

الرووووووعه .. الحلو انه في موريشيس تقدرين تسوين نشاطات مختلفة غير الجلوس في المنتجع ..

مب شرات الجزر الثانية الي ما فيها اماكن سياحية .. من الاشياء الممكن تسوينها :

1- رحلة نص ساعة بالهليكوبتر .. يكون خاص لج ولريلج والطيار فقط .. يطير فيكم فوق الجزيرة كاملة .. وتشوفين كل شيء بالتفصيل .. الصراحة روووووووووعه من الخاطر .. التجربة والسماعات الي على الاذن الي تنحط .. تجربة ولاااااا اروع .. من المنتجع للهيليكوبتر يودونج بسيارة رينج روفر .. يحسسونج انج نجمة هوليوود هههههههه

2- ممكن تسيرون مصنع الحرير .. مصنع السجاد .. ومصنع الزجاج .. تسيرين ومسوين طبعة ييد بالزجاج لاشهر الممثلين والممثلات .. طبعا انا وبو الشباب سوينا بعد ويابولنا اياه المنتجع ثاني يوم .. المكان حلو ..

3- ممكن تسيرين العاصمة الي هي لوي بورت .. شيء مثل مول صغير .. بس حلوة للتمشية ..

4- منطقة الشلالات خيااااااااااااااال .. وممكن تسيرين اعلى منطقة في الجزيرة وتتصورين .. والله رووعه .. تيسلسين هناك وتاكلين فواكة الاستوائية ..

5- امممم في منطقة فيها فنادق .. اقل رقي .. فيها نشاطات مختلفة حلوة ..مثل انج تركبين في غواصة نفس الي كنه نشوفها في الرسوم ههههههههههه تركبين فيها وتنزل تحت الماي خياااااااااال .. وتشوفين كل الكائنات الحية روووعه .. لا وبعد شيء سكوترات ما في منها في العالم غير في موريشيس .. انتج وريلج تركبين في وحده .. والغريب فيها انه السكوتر ينزل تحت الماي مب من فوق الماي !!!!!

والسمج يصككج من كل صووووب ههههههههههه

هذا السكوتر

وهذي الغواصة

6- ممكن تسيرين منطقة البركان الخامد .. سبحان الله في المنطقة التراب هناك يتكون من 7 الوان .. سبحان الله طبيعي

7- والحديقة المميزة في موريشيس هي حديقة الحيوانت كازالا .. حديقة كبيرة و روعه وفيها نشاطات واااااايد .. بس احلى شيء فيها

المشي مع الاسوووود !!!!!!!!!!!!!!!!! انا يوم شفتهم مت من الخووووف .. يدخلونج في الغابة ويهدون عليج 3 اسود يوعاااانة .. يمشونها جدامج الغابة كاملة .. وتصويرين وياهم وتمسكينهم وتصكين ..
عاد تخيلي انتي وياهم في غابة ويوعانيييييييييييين!!!!!!!!!!!!!!! بس كانت تجربة رهيييييييبة

من خلال الرحلة قدرت اتغلب عن خوفي من البحر ومن الاسود ..

بعد هذا التقرير البسيط ببعض النشاطات والاماكن السياحية في هذي الجزيرة الرائعة.. شو رايكم بموريشيس .. ؟؟؟!؟!؟!؟!

نسييييت احط صور المسبح الخاص لكل فيلا

روووعه وخاصة مع الليتات فالليل ..

واااااااااااااااو خبااااااااااال

روووووووووووعه تسلم ايدج والله على هاالتقرير
بس أعتقد إن سعر الليله ف هاالمنتجع وايد غالي

ياااي روعه ان شاء الله ع الشتااا خاطري ارووح لهااا ^.^