عطوني رايكم فهالزوج الخاين عسى ربي يجزاكن الجنه 2024.

هلا بنات اشحالكم اليوم ابا اخبرك سالفة حرمة يرانا واباكم تساعدونها و تعطونهم حلول لمشكلتها ..

الله يسلمكم هاي حرمة متزوجه من 14 سنه و عندها 5 عيال مشكلتها ريلها عديم الاحساس والمسوليه تخيلو يا بنات ان عمره ما صرف لا عاليها ولا ع عيالها معتمد عليها اعتماد كلي فالمصروف لان هي تشتغل فهو استغل هالشي و حط كل المسوليه عليها لا يصرف عليها ولا ع عيالها ولا ع مدارسهم حتى الخدامه هي تدفعلها يعني طووووووول ما يساهم في شي بلعكس حضرته عله عليها هي تسدد له ديوان و تسويله كل شي هو مش بخيل او ما عنده بلعكس هو كريم والحالة الماديه لا باس بها بس شو هو خيره لبرع ام لبيته ولعيالها لا والف لا تخيلو فوق هالشي كله خااااااين مع ان هي حلوة و مثقفه والكل يحسده عليها ودوم كل اللي يشوفها يقولها انتي وايد عليه وبالفعل صدق هي وايد عليه هو ما يستاهلها بس هي مسكينه راضيه بحالها معاه تقول هذا ريلي و ابو عيالي ولازم اصبر ع الاقل عسب عيالي
تخيلو عيالها دوم يقارنون عمارهم ويا باقي لعيال دوم يقولون لامهم ليش نحن ما نظهر ليش نحن ابوي ما يودينا المدرسه شرا ربعنا ليش وليش وليش؟؟؟
هي كم مرة زخته يخونها كم مرة وكل مرة تسامحها لان يوعدها ان ما يعيدها وهي مسكينه تصدقه لانها تبا ستر ما تبا تتطلق عقب هالعشرة بس تخيلو يا بنات وصلت به الحال ما يرد الا ع ويه الفير ولا مرات شو يسوي يسهر فلبيت يغازل فتلفون يخليها ويسير غرفه ثانيه يرمس البنات تخيلو..

هي شو يكون شعورها مسكينه متحطمه تحطيم بنات هي ما عارفه شو تسوي معاه وما تقدر تقول لاهلها وتفضض لاحد و ع فكرة هي كم مرة خبرت ابو ريلها واخوانها عليه بس ما شي فايده بلعكس يتم يلومها ويقولها انتي ما تحفظين اسرارنا ويعامله بزفت عن قبل بحكم انها ما حفظت اسرارهم وما اعرف شو باختصار هذا ريال انسان خاين يعامل حرمته معامله سيئة مع انها ما قصرة لا معاه ولا مع عياله نسى ان هي اللي سددت له ديوان وسترت عليه وكم ضحت عشانه ..
بنات لو كنتو مكانها شو بتسون بليز نصحوها هي محتايه تسمع شور حد لانها وصلت حدها من هالشي والمسكينه كاتمه كل هالهم فقلبها وساكته لا ولازم شو تمثل دور الانسانه سعيده جدام اهلها واهله وجدام عيالها ولازم دوم تمدحه ع القال عشان ما يطيح من عيون عياله

بليز بنات نصحوها و ادعولها ان الله يهدي زوجها ويسخره لها ولعيالها