شحالكم خواتي ؟؟
ان شاء الله الكل بخير وعافيه 
بغيت استفسر في وحده عالجت اسنانها وخاصه العصب خلال الحمل
للعلم انا توني داخله الشهر السادس
بصراحه خايفه وماعرف شو اسوي !!
الالم مايخليني ارقد الليل 
وفي نفس الوقت يوم يعورني ضرسي احس بتقلصات في الرحم
سؤالي تعرفون حد شل عصب الاسنان وفالحمل ؟؟ وفي اي شهر كانت ؟؟
خايفه على البيبي ومب قادره اتحمل الالم
واخاف بعدين اتريا ويزيد الالم وخاصه انه ما يستوي اتعالج عقب السابع لانه يأثر
الدكتوره قالت لي لازم اييب تقرير عن حالة الحمل من عند دكتوره النساء والولاده اللي اتعالج عندها وعقب بتبدى تشتغل في ضرسي !!
حسيت انها تبا التقرير عشان لو استوى شي هي تبري ضمتها
مع اني اعرف ان هذا روتين لازم تسويه دكتوره الاسنان للحامل
شو اسوي ؟؟؟؟؟؟؟؟
وينكم ؟؟؟؟؟؟؟؟؟؟
18 مشاهده وماشي ردود
انا سويت ضرسي لما كنت في الشهر الثالث ولا تحاتين وما في اي خطر ع الجنين
يعطونج بنج نصفي حق الضرس
يعني ما يدخل في جسمج
والسموحه
ان شاء الله حد يفيدج
بس بعد استشيري الدكتور احسن