عمره سنتين وشهرين وابا اشطب المرضعه من حياته,ساعدوني 2024.

هلاااااااااااااااااااااااااااااااااااااااا ماماهات حلوين طيبين خخخخخخخخخخخخخخخخخخخ

فديتكن خواتي فيدني فادكن الله
ولديه عمره سنتين وشهرين
وحمدالله اموووووووووووووووووووووره طيبه فديته

والحين يسير الحضانه فكيدز ار اص فالعين ورا التقنيه

مشكلتي انني اريد اشطب شيء اسمه مرضعه
صح التوقيت او لا
ماعرف لان اول ياهل عندي
والوحيد فديت قلبه
ماشالله ياكل عادي
ويشرب حليب ابقار العين عادي

فشو الحل

ماخذتله مصاصات بيبي شوب الي فاكواب ويشرب فيهن ماي بس

والحليب في المرضعه

ونفس الوقت اريد اشل عنه الحفاظ

هو يرمس ويفهم
بس مب كل الكلام يقوله
نصه خرابيط

للعلم انا موظفه ومب طول الوقت معاه
بس اجازتي شهر 7 وبيكون عمره سنتين و3 شهور
فكرت ابدا فالاجازة
لانه بيكون فالبيت بعد ماشي حضانه

انا ولدي عمره سنتين وشهرين واليوم افكر في سالفه المرضعه
بس كاسر خاطري اقول دام يرضع ويستفيد خله حرام لانه اخاف اذا تركته الموضعه يقل شربه للحليب
وعن البامبرز طبعا طااقدر لانه مول مايفهم ولو اكلمه من اليوم لباجر ولا جني قايله شي ..
يعني كنت افكر اذا خليته يرضع فيها شي ؟؟؟ وهل بيأثر عليه ؟؟؟ اذا لا خله يرضع بالعافيه عليه

أنا أحس أن الياهل إذا ترك المرضعه يقل شربه للحليب لكن إذا كنتي حاسه أن شربه للحليب يقلل شهيته للأكل فحاولي تعطية المرضعة وقت النوم
أختي عندها بنت عمرها سنتين و عشر شهور تعرف تتكلم وتفهم هذا الشهر شلت كل مراضعها وقالت لها أن الحرامي ياالبيت وخذ معاه كل مراضعها ومشت عليها الحركه وصارت إذا شافت جبل وهي في السياره تقول وقفو وقفو بسير الجبل أيب مراضعي من عند الحرامي
وخذت لها أمها كوب بمصاصه من بيبي شوب بدل المرضعه لكنها ما ترضى ماتشرب الحليب فيه…………..
أدري أني طولت السالفه………………………………….

فديييييييييت عيالي .. ما احب احرمهم من المرضعه .. بس اذا بتكمل 3 سنين خلاص وايد ^_^

الطفل من يكمل سته و3 أشهر عوديه بدون بمبرز في النهار إلا إذا بتطلعين وكل ساعة ركضي وديه الحمام ورشي عليه شوي ماي ويبول وبيسوي كاكا وأنتي شجعيه وصفقي له وخلي إلي عندج بعد يضحك وقوليه ممتاز كبرت الحين أنت مثل باباه ومن يكمل 2 سنتين عوديه بالليل بدون بمبرز وهو نايم وديه الحمام مرة أو مرتين باليل لمدة أسبوعين وبوليه قبل لايرقد ويغسل أسنانه علشان يتعود قبل لاا يرقد وبنسبة للمرضعة ضميه عنه في مكان وقت ما يسأل عناه قومي دوري أنت وياه ما بتحصلوها وأشتريله كوب وصحن عليه رسوم وفهميه أن هذا ماله صدقيني أي شي بنتحطيه ليه فيهم بياكله حتى لو ما يحبه وحطي الصحونه في درج في المطبخ بس خاص بصحونه على طول قولي يالله غدا بروحة بيركض أيب أصحونه من يكمل 3 سنوات عوديه ياكل وياكم من الصحن للكبير علشان يعرف كيف ياكل بيدة وما يوصخ عمره .

هلا حبيباتي انا ولدي بيكمل 3 سنوات وتركنا المرضعه من كم شهر

طبقت طريقة سوبر ناني اللي على ام بي سي 4 خلت اليهال يعقون مراضعهم في الزباله وقالت انهم مب حلوين ووصخين

انا جي سويت هو بروحه فديته عقهم في الزباله واحين يشرب الحليب بس فليل في الكاس ويفرش اسنانه ويسير يرقد الحمد الله .. بس هالايام صاير مشاغب عشان يغار من بنتي توها شهرين بس ان شاء الله بتعدي هالسالفه ^__^

.

عجبتني الردووود وهذا الرد احلى رد اثر فيني وعلمني افكار اطبقها و
انشاءالله من باجر