عندج فكره عن افضل الشركات السياحيه في الدوله تعالي افيدي واستفيدي 2024.

السلام عليكم ورحمة الله وبركاته

اشحالكن يا حلوات

حبيت افتح موضوع عن السياحه في الامارات حق الناس اللي ما راح تسافر هالسنه فياريت نساعد بعض في تقديم الاقتراحات والافكار اللي ممكن تساعد العائله في قضاء احلى الاوقات في ربوع دولتنا الحبيبه

نرحب بجميع اصحاب الخبره وتجاربهم مع شركات السياحه المنتشره في الدوله ويا ريت تشرح عن رحلتها مع الشركه السياحيه حتى تعم الفائده للجميع

ما شالله عليج اختي ..

موضوع في غاية الأهمية ..

جزاج الله خير ..

موضوعج وفكرتج وااااااااااااااااايد بتفيدنا ،،، تسلمين الغالية وانتريا اقتراحات أصحاب الخبرات والأفكار

موضوع مفيد جدا فعلا
تسلمين حبيبتي وننتظر مشاركات الخوات واقتراحاتهم

يلا يا حلوات وينكن

نتريا مشاركاتكن

معقوله ولا وحده راحت جوله سياحيه أو على الاقل سوت مخطط من عندها

كلكم تشكرون البنت وبدون ما تحطوووووووون نتفت معلومه
هالموضوع مفتوح عشان نحط خبرانا ومعلوماتنا
انا تعاملت ويا وكالة سفريات الخليج
زينيين ومابهم شيي في دبي
واسمع يمدحون ترافل ماركت بس ما تعاملت وياهم

اختي الصراحه احلى شركه سياحيه هي الدلفين الابيض اظن جيه اسمها..

هم في ديره بعد الملا بلازا كانج رايحه الطوار.. في نفس بنايه البنك التجاري اظن دبي او بوظبي..

اللي تشتغل هناك اسمها فاديه.. امووووره.. اختي وريلها حجزوا عندها حق شهر العسل من سنتين وبعدهم كل سفره يحجزون عندها.. تعطيهم بكجات واايد حلوه وتقولهم متى يحجزون قبل لا تغلي شركات الطيران تذاكرها.. ودووم تدور على اماكن يديده وحلوه في الوجهه اللي تبين تسافرين لها.. وترتب الباكج على اساس ميزانيتج.. يعني تقولج قعدي في هالمكان يومين بس لانه غالي وخليج 4 ايام في المكان الفلاني عشانه ارخص..
ما شالله عليها خطييييييره وايونها ناس من ا م القيوين وراس الخيمه..

والسموحه..

درب الوله