خواتيه
باذن الله عندنا مناسبة رسمية وراح اكون ان شاء الله انا المسؤولة عنها
واحتمال ضيفة الشرف تكون شيخة معروفة
شو البروتوكول اللي لازم نسويه وشو الاستعدادات الخاصة باستقبال الشيوخ
سامحوني اول مرة امر بهالتجربة
يعني مثلا كيف يكون التنظيم مع حاشية الشيخة هم اللي بيرتبون معانا
ولا نحن لازم نرتب من نفسنا؟
وشو الاسم الرسمي لحاشية الشيخة علشان لما نخاطبهم
يعني مثلا التشريفات ولا شو؟
شو مستوى الضيافة اللي لازم نقدمه؟
هل لازم نجهز سكيورتي ولا الشيخة بتيي مع حراسها؟
أدري اسألتي تدل على عدم الخبرة
لأن ما نريد نقصر في حق الشيخة
ونكون مستعدين من كل النواحي
والحفل راح نستأجر له قاعة رسمية إن شاء الله
والحمدلله الميزانية مفتوحة لهالحفل
بليييييييييز أنقذوني
ان شاء الله اصحاب الخبره يفيدونك
لازم تكونن في الاستقبال أول ما توصل..
ومكان جلوسها يختلف عن جلوس بقيه الضيوف
يعني كثلا الطاوله + الكراسي تكون أفخم عن البقيه >> لزوم الكشخه..
وقت الأكل أو البوفيه.. لازم تخلين حد يحطيلها ويجهزلها كل شي..
وهي تكون مرتاحه وياسه بس ^_^
امممممم … وعند كل فقره أو سيره ورده لازم تكون هي أول وحده تظهر أو تمشي وانتي وياها + الحاشيه..
عقب البااقي
ان شاء الله أكون أفدتج ولو بشي بسيط
والسمووووحه منج =)
1- لازم اتعرفين مديرة مكتبها(العدد إلي بيحظر وياها) وتقعدين مع مسؤولتهم وتسون خطة متكاملة من اول دخول الشيخة وخروجها (من الامن, مكان جلوسها, الأكل, الخ)
2- غير عن لازم تعطيهم نبده كاملة مكملة عن حفل الرسمي بيكون عبارة عن شو وشو متوقعه من الشيخة (سواء حضور فقط او انها تلقي كلمة او او او) لان مب حلوة بحق الشيخة تروح اهناك وتسلم على ناس وتكون اطرش في الزفة, فلازم اتكون ملمة ببعض الامور (وطبعا انتي بتخبروينها دايركت , ولا بتخبرين مديرة مكتبها بالظبط وهل الشي احسلج بتريحين راسج)
3- لازم تجهزين القاعة او مكان الاستقبال سابقا (خريطة الموقع + الاستقبال المخصص للشيخة يتسلم لمديرة مكتبها عسب مايضيعون الدرب)
4- ولازم اتحطين في بالج في حفل الرسمي مب أي حد يسلم على الشيخة ويكلمها مب يطلب منها شي لان هل الشي مرفوض بتاتا فلازم اتكون شخصية اتعرفها ولازم ايون عن طريقج (يعني انتي اتقدمين الشخص لشيخة وطبعا بعد ماتاخدين موافقة مديرة مكتبها إلي بتكون في الحفل وياها).
5- حطي في بالج ان الشيخات بشكل عام مايطولون في المكان لان في تدافع من الناس عليهم , يعني اول شي الشيخة تدخلون (بما انج المنسقة لازم اتراوينها وين تقعد) وبعدين مطارزيتها وبعدين الناس تعقد نص ساعة أو إدا في شعر او مسرحية من البداية لين النهاية وعلى طووووووول ادقها شردة يعني تطلع ماطول, ونفس الحالة يوم تطلع شيخة تطلع وبعدين المطارزية وبعدين الناس إدا حبو يطلعون.
توتة توتة وخلصت الحتوتة (صدقيني بسيطة)
اتمنا اني فدتج بشي
