اشحالكم خواتي عساكم بخير
اليوم كنت يالسه ادور على عناوين جمعيات خيريه في البلدان العربيه
وفيه منهم كان عندهم مواقع الكترونيه ومنتديات
دخلت على موقع جمعيه في مصر
والله يا خواتي انصدمت وفرحت في نفس الوقت
تخيلو خواتي المتطوعين فيها من الشباب والبنات الااف
وكل جمعه او كل يوم يسوون رحلات استكشافيه في محافظات مصر حتى البعيده وياخذون البيانات ويبتدون
ييمعون بيزات حاله حاله هذا عنوان الجمعيه علشان تشفون الفكره https://resala.org/index.php
وفي منتداهم لفيت وشفت الشي اللي يسرر الخاطر بصراحه
كل واحد عنده حاله يسيرون لهم ويشوفون شواللي محتاجينه بيزات او تجهيز لعروس او رعاية المسنين او
مكفوفين او رعاية الايتام ويبتدون ييمعون لهم اللي يبونه …
وهاذي الجمعيات مب تابعه لحكومه او شي لا كلهم متطوعين شباب وبنات
ليش نحنا ما يسمحون لنا نسوي نفس الشي,,,فيه عندنا وايد اسر محتايه ليش ما نتطوع ونحط ايدنا بأيد بعض
ونساعد المحتاين
لو المنتدى يتبنى هالشي وخاصه في هالايام الفضيله ,,, لو كل متطوعه تحط حالات وبياناتهم والمشرفه تتصل بهم
وتتأكد من هالبيانات ويبتدون ايمعون لهالحالات شوفو كم بتحصلون من الاجر
صح المنتدى فيه قسم للمساعدات ,,, بس اللي انا اقصده يكون فيه متطوعات معروفات في المنتدى من كل اماراه
وتكون بياناتها معروفه عند ادارة المنتدى ويكون للمنتدى رقم حساب للتبرعات اللي تبا تتبرع ولو ب 50 درهم
تحولهم على هالحساب وادارة المنتدى عقب ما تتأكد من الحالات تطرش لهم المساعدات…
انا حبيت اطرح عليكم هالموضوع لفعل الخير مب اكثر وياليت لو المنتدى يتبنى هالشي
وانا وياج الغاليه فكره حلوه وان شاالله توافق الاداره عليها
ويزاج الله خير وفي ميزان حسناتج ان شاالله
المشاركة الأصلية كتبت بواسطة حتاويه 
وانا وياج الغاليه فكره حلوه وان شاالله توافق الاداره عليها
ويزاج الله خير وفي ميزان حسناتج ان شاالله
ان شاء الله يا رب
واتمنى ان هالفكره تلقى قبول من الجميع و من الاداره
وخاصه نحنا مقبلين على شهر رمضان والعيد والمدراس ,,,ناس تقدر تاكل و تلبس وناس وحليلهم لا فياليت نساعدهم ونكسب فيهم اجر
المشاركة الأصلية كتبت بواسطة حتاويه وانا وياج الغاليه فكره حلوه وان شاالله توافق الاداره عليها
ويزاج الله خير وفي ميزان حسناتج ان شاالله
وهذي الفكرة تقريبا اطبقها دائرة الخدمات الاجتماعية في الشارقة للاسرة المحتاجة وخاصة اسر البدون
بس يزاهم الله خير الجمعيات الاجتماعية والخيرية ما تقصر
ولكن بعد الواحد لازم يجتهد وايدور على المحتاجين عسب يحصل اجره