حبايبي انا سايره هالفتره اتشرا للبيبي ولي ما قصرتن خواتي المره الي طافت عطيتني لسته بالاغراض وعارفه شو احتياجات البيبي وحتياجاتي بس بغيت تفيدني بخبراتكن فنواع المنتجات شو الزين فيهن لاني يوم سرت اعتفست ماعرفت شو اتنقى صدق فاشله فشوبينج : )
بحدد الشغلات وانتن قولن شو الاحسن من تجربتكن طبعا واذا شغله ماترزا ياليت تنبهني لاني عادي اخم المحل : )
1) جهاز التعقيم بالبخار شو الاحسن من فيليب avent او tommee tippee ؟؟
2) المراضع تنصحون avent او tommee tippe؟؟
3) ال changer table او طاوله مالت تغيير للطفل واستحمامه الطفل وييي تحتها رفوف لاغراضه اخذها ولابتسوي زحمه ع الفاضي؟؟
4) انواع احواض الاستحمام وايده شفت فمذر كير والبيبي شوب ماعرفت شو النوع الي بيكون اسهل علي عشان اثبت البيبي اخاف يزلق لاسمح الله في شرا الكرسي وفي شرا الحوض العادي وفوقه مطاط اتحطي الياهل عليه : ( بليز لا تضحكون بس هاي احس اصعب شغله وهي الي احاتيها؟؟
5) لقيت فمذر كيرز الله يعزكم زباله للحفافيض فيها خاصيه تعزل كل حفاضه عن الثانيه وخاصيه تعقيم مع ريفيل للاكياس حد جربها؟؟
6) سله موسى عطوني اماكن غير البيبي شوب ومذر كيرز لاني ماحبيتهم وتكون لعمر 0-12 وفيها ستاره او تغطيه مع الستاندر وماتنهز ؟
7) شفاطه الصدر شو احسن ماتلدا او بيجون او افينت من فيليب ويدوي او اتوماتيك؟؟
8) بودره السره مالقيتها 
دوره فصيدليه مالقيتها؟؟
9) المطهر الي يستخدم مكان الخياطه البنات يقولون بيتادين وراعيه الصيدليه نبهتني انه قوي وينشف وريحته قويه ؟؟ شو اخذ او اكتفي بالملح والماي؟؟
10) ابا اسم محل فبوظبي ورقمه ان امكن يبيع جلابيات او ملابس بيت جاهزه خاصه برضاعه وحشيم ماعندي وقت لتفصيل والمغامرات ؟
12)طقم الاستقبال فالبيت لان الوالده ماتبى حد اييني المستشفى.. وحده قالت لي فنعومي بس الي اعرفه انها قمصان نوم حق ريلج مب حق استقبال اهل او جيران احس فضيحه تنلبس يمكن انا الي مب فاهمه قصدها وشفت افكار البنات فالنت لروبات الاستقبال بس كله شفاف حتى لو مستور يتم دزاينه فنظري قميص نوم وانا استحي فشو الحل اخذ جلابيه مريحه ؟؟ وبليز لو تعرفن محلات اتبيع جلابيات جااااهزه لاستقبال وتصلح لرضاعه قولو لي وين فبوظبي؟؟ مب تفصيل
ادري مصختها بس ماعندي حد يساعدني وعنده خبره غيركن 
الوالده الله يحفظها كل شي عندها خرابيط : )
وومشكورات واااااااااااااااايد
طاولة التبديل اختي تقول عنها تاخذ مكان علفاضي تاخذ بدالها مفارش التبديل بتحصلينها في البيبي شوب او المذركير تقول انها عملية وسهلة اكثر
اما عن حوض سباحة اختي اول ايام من كثر ما كات تخاف على عيالها تفضل الاسفنجة الي تاخذ شكل الجسم تحط عيالها عليها وهي متطمنه وتسبحهم وبعد ما يكبرون شوي تاخذ لهم الكرسي
عن ملابس الولادة والاستقبال نعومي فعلاً منزلين تشكيلة يديدة حق المربيات للأستقبال شفتهم في المجلة بس ما ادري اذا خلاص نزلوهم في المحلات او لأ
وبعدين عندج محلات وخيايط في الخان في الشارجة ربيعتي اتجهزت من هناك بأشيا حلوة وساترة
وبعد شفت في محل عمو زين في الخالدية في بوظبي عندهم الحراير وعندهم الاقطان حق وقت غير الاستقبال
اتمنى اكون افدتج
والمراضع بعد avent
بالنسبه changer table انا من خلال تجربتي نفعتني واااايد بتحطين فيها كل شي البامبرز واغراض البيبي واذا على الزحمه حطيها بمكان جانبي احواض الاستحمام افضل من الكرسي ولو بتستخدمين الكرسي الافضل بعد شهر شهرين بالنسبه لشفاطة الحليب ماركة بيجون والله انها ذبحتني من الالم واليدويه احسن وبالنسبه للمطهر كنت احط بيتادين اتمنى اكون افادتج وان شالله البنات ما يقصرون
2) المراضع avent زجاجيه (انظف)
3) ال changer table او طاوله مالت تغيير للطفل واستحمامه ..مفيده اذا عندج مساحه زياده في الغرفه او عندج غرفه خاصه للبيبي..
واذا لأ فهي مب ضروريه
4) انواع احواض الاستحمام …الحوض العادي وخذي اسفنجه خاصه للحوض تحمي البيبي
5) زباله للحفافيض فيها خاصيه تعزل كل حفاضه عن الثانيه وخاصيه تعقيم مع ريفيل للاكياس حد جربها؟؟ خذيتها وقريب بجربها ان شاء الله بس احسها مفيده
6) سله موسى …معرض ايوب او الخياط الملكي في الخالديه عندهم سرير دائري وايد حلو مع ستاره وشغل عدل مدل يصلح من 0-12 وعندهم سلل بعد بس احسها ل 6 شهور بس
7) شفاطه الصدر من فيليب اتوماتيك …لانه الاتوماتيك ما يعطيج فرصه للدلع (:
8) بودره السره ؟؟؟ ما يت على بالي…زين ذكرتيني
9) المطهر الي يستخدم مكان الخياطه … اكتفي بالملح والماي..
10) اسم محل فبوظبي ورقمه ان امكن يبيع جلابيات او ملابس بيت جاهزه خاصه برضاعه وحشيم ماعندي وقت لتفصيل والمغامرات ؟ و طقم الاستقبال
خياط مرتب وشغل راقي انا فصلت عندهم وبالفعل يستاهل عندج الخياط الملكي في الخالديه *******وبعد عندج المزدهيه في شارع المطار وعداله بعد خياط ثاني يبيع ويفصل اطقم التفاس *******
والله يسهل علينا حملنا وولادتنا…اااااامين
خواتي الارقام عالخاص وليس عالعام .,.
1) جهاز التعقيم بالبخار شو الاحسن من فيليب avent او tommee tippee ؟؟
انا شريت ايفنت وما استخدمته غير 4 مرات يمكن والحين مفرور بالكبت .. الدكتور يقول مب زين
هالجهاز اونه عقمو بالبيت اخير يعني ايبي جدر وحطي فيه ماي خليه يفور وعقب سكريه
وحطي فيه المراضع واللهيات والالعاب لو حابه تعقمينها وعقب فتره طلعي من الجدر وبدون
ماتنشفينهم صكيهم وحطيهم بالثلاجه وكل ما بغيتي مرضعه طلعي من الثلاجه واستخدميه دايركت ..
==================
2) المراضع تنصحون avent او tommee tippe؟؟
ايفنت + مراضع جونيرز من بيبي شوب وإذا حابه بيجون ( البلاستيك ) ,,
==================
3) ال changer table او طاوله مالت تغيير للطفل واستحمامه الطفل وييي تحتها رفوف لاغراضه اخذها ولابتسوي زحمه ع الفاضي؟؟
مب لازم غلايه انتي وبراحتج .. انا خذت صندوق خاص بالبيبي وحطيت فيه الاغراض
والبسها عالسرير مالنا ..
==================
4) انواع احواض الاستحمام وايده شفت فمذر كير والبيبي شوب ماعرفت شو النوع الي بيكون اسهل علي عشان اثبت البيبي اخاف يزلق لاسمح الله في شرا الكرسي وفي شرا الحوض العادي وفوقه مطاط اتحطي الياهل عليه : ( بليز لا تضحكون بس هاي احس اصعب شغله وهي الي احاتيها؟؟
انا خذتلها من مذركير تقريبا استعملته لين اعتدلت رقبتها يعني لين 3 شهور ونص او 4 شهور بس ..
ومن عقب استخدمت الاسفنج لأني اصلا كنت شاريتنه قبل لا اربي الموهيم واحط الاسفنج فالمغسله
واسبحها ,, وحاليا احيانا الاسفنج او الكرسي ..
==================
5) لقيت فمذر كيرز الله يعزكم زباله للحفافيض فيها خاصيه تعزل كل حفاضه عن الثانيه وخاصيه تعقيم مع ريفيل للاكياس حد جربها؟؟
ماله داعي عزيزتي اكتفي بالاشياء الضروريه .. هذيله اشياء فرعيه مب اساسيه
تكرمين خذي زباله صغيرونه وحطي فيها جيس وانتهت السالفه ..
==================
6) سله موسى عطوني اماكن غير البيبي شوب ومذر كيرز لاني ماحبيتهم وتكون لعمر 0-12 وفيها ستاره او تغطيه مع الستاندر وماتنهز ؟
انا بنتي خذتلها من جود بيبي مناسب لين 6 شهور بس مارقدت فيه غير فالاربعين وبعد مب
وايد بس اذا بتاخذ قيلوله .. فماعندي فكره بهالخصوص ..
==================
7) شفاطه الصدر شو احسن ماتلدا او بيجون او افينت من فيليب ويدوي او اتوماتيك؟؟
ما انصحج حاولي ترضعين البيبي عالاقل من صدرج لين يكمل شهر وعقب دخليله رضعه وحده
صناعيه فاليوم عسبت يتعود لو اضطريتي تظهرين برع البيت وبس ,, الشفاطات مب زينه ..
==================
8) بودره السره مالقيتها دوره فصيدليه مالقيتها؟؟
ماله داعي بروحه ينشف ويطيح ,,
==================
9) المطهر الي يستخدم مكان الخياطه البنات يقولون بيتادين وراعيه الصيدليه نبهتني انه قوي وينشف وريحته قويه ؟؟ شو اخذ او اكتفي بالملح والماي؟؟
اكتفي بالماي والملح ,, حتى خياطتي متى طاحت انا ماعرف ههه ,,
==================
10) ابا اسم محل فبوظبي ورقمه ان امكن يبيع جلابيات او ملابس بيت جاهزه خاصه برضاعه وحشيم ماعندي وقت لتفصيل والمغامرات ؟
12)طقم الاستقبال فالبيت لان الوالده ماتبى حد اييني المستشفى.. وبليز لو تعرفن محلات اتبيع جلابيات جااااهزه لاستقبال وتصلح لرضاعه قولو لي وين فبوظبي؟؟ مب تفصيل
ماعندي فكره عزيزتي ..بس اكيد فشي من المراكز محلات لانجري يبيعون جلابيات نفاس اشكال وانواع
ومستوره بعد وبأحسن الانواع ..