شخباركن خواتيه ,,,
عاد اليوم بغيت افضفض حقكن وخبركن عن معاناتي ,,, السالفه اني انا انسانه عندي وسواس المرض
مادري يمكن من كثر ماسمع عن هاي الامراض الي تطلع كل يوم وناس اعرفهم او ماعرفهم تييهم
قمت اوسوس ,, والمشكله ان ريلي غير غيييير يعني ماعنده اي شي اسمه التفكير بهالسالفه
ولو حسيت بشي اخبره عسب يودني المستشفى يقولي ادري بوديج وبتسوين فحوصات وك العاده بيي
اليوم اللي بعده بتطلعين فيج شي ثاني
والله يابنات مب بيدي حاولت اغير واتناسى بس ماقدر ,, اي شي اسمعه احسه فيني
ومن اسبوع احس بعوار في حنجرتيه وحرقه لان عندي حساسيه بس مب متأكده هل هي السبب او لا
قلت له وديني ابى اجيك ع عمريه يقولي مابوديج انتي كله توسوسين وتيبين حق عمرج امراض غريبه تبين الله يبليج ,,,
وحاولت به يوديني دكتور نفساني ماطاع قالي هالشي بيدج انتي ماحد بيساعدج انتي لازم تشلين هالفكره
بنات شسوي والله دومن اصيح واحس بتعب اي شي يعورني اتم افكر واوسوس ودور بالنت احس ان فيني شي خطير ,,, تعبت نفسيا والله تعبت
وحينه حنجرتي تعورني وخايفه والله
ادعولي لاني صدج تعبت هالمره من هالحاله وتعبت ريلي ويايه
اللهم اني اعوذ بك من زوال نعمتك وفجاءة نقمتك وتحول عافيتك وجميع سخطك
ياريت عندي حل….كنت بخبر ريلي….لأنه شراتج عنده وسواس فضيع تجاه الامراض والمشكله انه مب راضي يسوي فحوصات عشان نطمن عليه…ولو حس بأعراض بسيطه للزجام نعلن حالة الطوارئ في البيت.. وعنده اكوام من الادويه والاعشاب الطبيه ومايستخدمهن….بس يشتريهم ويتفرج عليهم!!!!
وودي ماي زمزم أو أي ماي عند شيخ
وخلي يقرأ عليه
(من شر الوسواس الخناس* الذي يوسوس في صدور الناس* من الجنة والناس)
الله يشافيج
المشاركة الأصلية كتبت بواسطة رفيعة الشأن 
ياريت عندي حل….كنت بخبر ريلي….لأنه شراتج عنده وسواس فضيع تجاه الامراض والمشكله انه مب راضي يسوي فحوصات عشان نطمن عليه…ولو حس بأعراض بسيطه للزجام نعلن حالة الطوارئ في البيت.. وعنده اكوام من الادويه والاعشاب الطبيه ومايستخدمهن….بس يشتريهم ويتفرج عليهم!!!!
تسلمين اختيه والله ..
والله يعافي ريلج ان شاءالله صدق هذا ابتلاء
المشاركة الأصلية كتبت بواسطة سماعة1 وودي ماي زمزم أو أي ماي عند شيخ
وخلي يقرأ عليه
(من شر الوسواس الخناس* الذي يوسوس في صدور الناس* من الجنة والناس)
الله يشافيج
غاليتي الله يحفظج ,,, احاول صراحه اقرأ ع عمريه الفاتحه وبعض الايات ف ماي وشرب
بس المشكله ان الشيطان متربع براسي
تسلمين حبيبتي على المرور والدعوه ربي يبعد عنج وعن كل من تحبين البلاء
يعني انتي بروحج تمرضين نفسج يعني احين انتيه اذ قلت لج انك مب حلووه وويهج فيه شي بتجلسين توسوسين بعمرج لازم حبيبتي انتي تصيطرين ع عمرج لاتخلين نفسج جيه اطردي هالافكار من بالج اذ جاك هالتفكير سوي اي شي يلهيج عن التفكير…
والله يبعد عنج الشر…
" …بالتوفيق الغالية …بالتوفيق الغالية …بالتوفيق الغالية …بالتوفيق الغالية
"