عيب ريلي الوحيد هالشي شسوي ؟؟ 2024.

مرة سرنا العين خامس يوم بعد عرسنا قال بخذه معنا قمت انا قلت لخوات ريلي يروحن معنا تدرون ليش؟؟
لاني عرفت انه بيطنشني وبينشغل بولد اخوه

وفعلا جيه صار طنشني وقعد يلعب معه ويسولف معه ولا كأني زوجته وعروس ..
حتى خواته لاحظن وقالن لي نفس الكلام …والله منقهرة ..

اخر موقف صار البارحه كنا راجعين من بيت حماتي الكبيرة انا وخواتي وريلي جابنا طبعا ..ومعنا ولد اخوه ..لما نزلت انا سكرت الباب بقوة على مايبدو قسما بالله ما انتبهت وكان بالي مشغول ..

انا راكبة قدام جنب ريلي والبديهي ان ولد اخوه راكب ورا وينزل من الباب الوراني ..طبعا من زود الدلع جا ينزل من قدام وانا اسكر الباب ما منتبهة الحظ ان الباب ماسكر ع راسه ..

طبعا ريلي ضرب هرن بقووووووووةولما دشينا غرفتنا عصصصصصصب علي ..
وعطاني كم كلمه …

المشكلة ان الولد ينقل كل شي يصير بيني وبين ريلي ويجذب ..والله استحي لما حد فالبيت يقولي خوخة صج جيه صار ..
ياهل عمره خمس سنين مسببلي عقدة تصدقون ؟؟؟
حتى مصروفه ياخذه من ريلي ..يدخل غرفتي اي وقت ينبش فأغراضي ..تخيلوا ما اقدر اخذ راحتي باللبس فغرفتي ..اخافه يجي وطبعا اول ما يدق الباب ريلي يركض يفتحه له ..

اليوم الظهر كنت ابنام بس قاعدة افكر انه بيجي الحين وبيدق الباب بريوله كالعادة وبفز من نومي مفزوعة …وفعلا جيه صار..

فهمت ريلي وكلمته وااااااااااايد ..يقولي شو تبيني اضربه ..انا ما قلت تضربه بس ع الاقل افهم انا ابا احس اني زوجه مالي شريك بريلي تخيلوا هذا المكان الوحيد فالدنيا اللي اخذ راحتي فيه مع ريلي وبعد حاسدني عليه …

ريلي حبوووووووووب حنوووووووون الله يحفظه لي يارب بس عيبه الوحيد ولد اخوه ..

حتى عمتي وحمياتي يقولن لي خبري ريلج خلص هو عرس لازم يبعد (……….)عنه لان لما تجيبون عيال بيغار منهم وبيضرهم ..

بس من اكلم انا لا حياة لمن تنادي ..

البارحه انفجرت قلت كل اللي فخاطري صحت ..وقالي ان شاء الله بسوي اللي تبينه ..

واليوم الصبح قاعد يدلعه ..

تكفون دلوووني شسوي ساعدوني بس انصحوني ع الاقل …احس بقهر صايرة ما اتحمل هالياهل ..
سبحان الله وانا اكتب جا يبا يفتح الثلاجه ياخذ منها اي شي ع راحته وكأنه بغرفته ولا رضا يطلع من الغرفة ..
وراح يخبر امه اني ما خليته ..
انا دوم معودةالياهل يدشون غرفتي واعطيهم حلويات بس هم يدشون بأدب هو يدش يفتش اغراضي والثلاجه ..
تخيلوا حتى بين الملابس الداخلية ..

اي وحدة منكم تحط نفسها مكاني شو بتتصرف ؟؟؟؟
لا تقولون اكلم امه ترا هي اللي تطرشه عندي عشان تفتك منه ..