عيب في النطق 2024.

اسلام عليكم ورحمة الله وبركاته

اشحالكم ربكم بخير وسهاله

امم انا بدخل في الموضوع بدون مقدمات

انا اصراحه عندي عيب في النطق حرف الـ ( ر ) ما انطقه انطقه ( غ )

انا اشوفه عادي بس المشكله انه الكل يطنز عليه يعني في السكول

انا امشي و البنات ورايه يزقرني يوم اللف عليهن يقولولي اي كلمه فيها هالحرف بس مثل ما انا اقوله

مثلا بدال ما يقولون مدرسه يقولون مدغسه و عقبها عطوووووول ينفجرن ضحك

و من غير عندنا مس التاريخ واااااااااااااااااااايد تطنز عليه بسبت هالحرف ويوم يكون فيه قطعه في الكتاب و متروسه حرف الرا ما اطيع توقف غيري و اذا قلت كلمه فيها هالحرف تقولي شو بطريقة سخريه اعيد الكلمه تقول مثل ما اقولها و تخلي بنات الكلاس يضحكن عليه
بس يوم اقوول بسير عند مال النطق يعدلها لي كلللللهن يحتشرن اونه جي حلو بس كيف حلو وانتن تطنزن
مخلياتني مصخره

انا عايبني بس مب مرتاحه من تطنيزهن

حتى لو قلت الهن بس يطنزن اكثر

مممم .. هذا شي عادي ما فيه شي المهم انج اتكونين واثقه من عمرج ..
وهذاا العيب من ربج وشي نـااس حلهم أخس بـوااايد ..
ما عليج من حد ولا تهتمين حق كلااامهم ..
وربي يوفقج ^ــــ^

بالعكس ما يحتاي تسوين شي طنشي حبيبتي
خلي هالشي ميزة فيج شو يعني تعليقاتهم اصلا البنات يدورن صغيرة وكبيرة عشان يطنزن
انا عندي اختي نفس الشي حرف الراء عندها مخفف << ما اعرف كيف اشرح
بس والله حلوووووووووووو عليها وخصوصا ان صوتها مبحوح
دلع والله
مع انها هي متعقده بس كل الي يسمعها ع بالهم هي تتعمد بس هاي مشكلة فيها من صغرها
حتى اوقات ريلها يتكلم مثلها يبا يطنز وهو عاايبنة اصلا

انا بعد عندي حرف الراء شوي غريب اييبه برررررنه .. ما اعرف كيف اشرحها بس البنات كانن يعيبن علي و يضحكن و انا اضحك معاهن .. بس ما وصلت لدرجة انهن يمصخونها ..
البسيهم و سوي لهم طاف .. بس لو تشوفين انج لازم تحلين المشكله و ما تتحملين سيري حبيبتي عند متخصص في النطق يمكن يساعدج ..

قهرتني ابله التاريخ

ماعليه بتشوفين هذيل اللي يطنزن عليج

لااااااااازم شي بيستوييبهن صبري بس

وعاااد كلهن فصوب ومس التريخ فصوووب

عيييييب عليها هاي لازم تكون قدوة اخ عليها

والله يا اختي انا اشوف الموضوع عادي … وايد ناس ما ينطقون حرف الراء … عادي ما اشوف فيها شي … بالعكس في ناس وايد ما ينطقون حروف كثيرة بس عادي عندهم .. وإذا على الطنازة خلهم يولون … خلج عادية … طنشيهم … انتي خلج واثقة في نفسج ولا تهزينها جدامه … وتكون الثقة مزروعة فيج الغالية .. لا تتحسسين منهم .. وأبلة التاريخ هذه سخيفة إذا كانت تتعمد هالحركة .. وتذكري الغالية هذول لما يضحكون رب العالمين بيراويج فيهم ولا تنسين إنهم يأثمون عليه ضحكهن السخيف لان ما في شي يضحكون عليه إلا عبطهم وسخافتهن… السموحة منج … بس احسني انقهرت منهم ومن حركاتهم البايخة .. يعني الموضوع جدا عادي ليش يضحكون …

حبيبتي ماعليج منهم مافي حد كامل والكامل الله وخلج واثقه من نفسج ولا تسويلهم سالفه وبيي يوم بتسمعين عن ابلة التاريخ شي لأن من عاب ابتلى….. وهذيلا اللي يعيبون ناقصات عقل وماعليج منهم ولاتعتبرين هالشي فيه عيب ولا تخلي هالشي يأثر ع شخصيتج حبيبتي …..