غفلتي وتوبتي ورحمة ربي الكريم! الجزء الرابع والاخير 2024.

جمعه مباركه خواتي ..

للي ماقرت بداية القصه فأجزاءها القبلية ..

الجزء الأول

https://forum.uaewomen.net/showthread.php?t=580250

الجزء الثاني
https://forum.uaewomen.net/showthread.php?t=580430

الجزء الثالث

https://forum.uaewomen.net/showthread.php?t=580697

—————–
اشكر كل اللي راسلني وباركولي ..
وكل وحده اهتمت للقصه ..
وواللي فكرت انها تتغير او تغير احد تعرفه ..

اكمل وياكم قصتي ..

بدت الاجازة ..
وبدى تحدي الشيطان ..

يا أانا او هو ..!!

سبحان الله ..
حبي للوضع اليديد .. دخلني في جو حلوووووووو
جو نسيت فيه الشيطان ..

والغفله

نسيت فيه كل اللي عرفتهم

بعتهم كلهم مره وحده
واشتريت رضا ربي ..

وصلنا على شهر 7 ..

وقررنا نروح العمره ..

وهني وناستي كانت بلا حدود ..

<< عفكره انا رحت قبل العمره بس ماحسيت اببببببببدا اني اعتمرت ..

كله كنت افكر في الربع.. << استغفرك ياربي .. !!

قبل لا اروح .. خليت فوني فالبيت .. غلقته وانطلقنا ..

>> سرنا بالسياره ..

طول الدرب لين وصلنا للحدود الاماراتية السعودية وانا ادعي ..
ان الله يثبتني ..
ويقبل توبتي ..
واستغفر ..

في الدرب كنت مستانسه وايد . .!!

كنت فرحانه بجابل الكعبه بنفس غير النفس اللي جابلتها قبل سنه ..

قبل سنه ماكنت اعرف اني برد لها وانا بهالحال الطيب ..!!

وصلنا للطايف ..!!

وقبل لا ندخلها خنقتني العبره

تذكرت الرسول صلي الله على وسلم ..
يوم راح للطايف .. وكيف استقبلوه ..!!

والله يابنات جوها كان غيييييييير .. !!

قعدنا نتأمل الاماكن .. ونقول سبحان الله

ماندري فأي بقعه كان الرسول يمشي
فأي بقعه كان اييلس ..

سبحان الله ..

في الميقات صلينا وقعدت ادعي ان الله يتقبل عمرتي .. وان يغفر لي ..

طلعنا وانطلقنا لمكه ..

اااااااااااااااااااه يامكه

احلا مكان والله ..!!

احلا مكان زرته ولا بزوره ..

فيها الكعبه .. !!!!! الكعبه !!!! بيت الله !!!

كنت مواصله وقبل لا نوصل داخل مكه

غفيت ..

ومن وصلنا للفندق نشيت على صوت حلووووووووو

صوت سمعته من قبل

صوت حركني من مكاني

خلاني انش !!

ادور

نحن وين !!

نحن عند الحرم

وتدرون من القاريء ؟!!!!

القارئ ماهر المعيقلي .. !!!

يااااااااااااااارب .. هاي صدفه ولا هالموقف مقدر لي انه يصير .. !!!

فزيت من نومي ..

ووصلنا الفندق ولبسنا وانا محتاسه ابا اطلع ابا ارووووووووح ..

الحرم .. الحرم

قلت لاخوي لازم اصلي هناك .!!!!

لازم .. !! اخاف مايرجع المعيقلي ..

اخاف يروح ومااحلق اصلي وهو الامام ..

قال ماعليييييج لاتحاتييييييين

ماهر المعيقلي بيقرا طول الاسبوع ..!!

هني تشققت .. !!!

الحمدلله يارب الحمدلله ..

————

سرنا الحرم ..

من دشيت لفيت اشوف الكعبه ..

اشوفها وانا مستااااااااااااااانسه .. والدموع فعيني .. !!

اخيرا رجعت .!!

وصلت خلاص ..

وصلت المكان اللي ما ادري اقدر ارجع له بعدين ولالا ..

فرصه ماتتعوض ..

والله يابنات ماخليت دعاء مادعيته ..

وماخليت شخص مادعيت له ..

حتى ربيعتي اللي ضيعتني ..

دعيت ان الله يفتح عيونها قبل لا يفوت الفوت

خلصنا وسرنا بنصلي ركعتين عند المقام ..

قالت اختي لازم تقرين سورة الكافرون ..

تخليوا بنات .. قعدت اراجعها وياها .!!

ناستنها !!

الكافرون 6 ايات عيزانه عنهم ؟!!!

قعدت شوي حفظتها وراجعتها في بالي

وسمعتها حق اختي وصليت ..

سرنا للسعي ..

وطول السعي وانا استغفر وادعي ..

ردينا للفندق ..

وكانت الساعه تقريبا 11 فالليل ..

الصبح نشينا للصلاه ..

اذن المؤذن وكان الامام السديس ..

صلينا

ورديت لاخوي قلتله المعيقلي ماصلى بنا ..!!

قال ماعليج بيصلي الباقي ..

>> اخوي هو نفسه اللي عطاني السورة .. لانه يحب قراءة ماهر المعيقلي ..

وصلنا للصلاة الجهريه << عن ياكلني البنات بعد ..!!

..

وصلينا ..

وكااااااااااان ماهر المعيقلي

والله يابنات ..

كنا لابسين اكمام عن المرض ..

الكم اللي كنت لابسته انترس دموع ..

قرا ايات حسيتها تخصني ..

ايات انا كنت غافله عنها ..

ومن خلصنا سرت شربت من ماي زمزم ..

دعيت ودعيت ودعيت

وعسى الله يتقبل دعوتي يارب ..

قعدنا 3 ايام

وهال3 ايام ..

كان ماهر المعيقلي هو الامام ..

حسيتها فرصه عمري مابحصلها مره الثانيه ..

فرصه نادره بالنسبه لي ..

حبيت قرايته من سمعت سورة الحج ..

>> للعلم بعدها في موبايلي واسمعها كل يوم ..

وكل ماافتحها .. احس اني اول مره اسمعها !!

المهم

ردينا البيت بالسلامه ..

وقرب موعد رمضااااااااااااااااااااااااااان ..

وناسه !!

تبت ..

والعمره

ورمضان ..

والله انها صدق فرصة العمر ..!!!

والحمدلله ياربي انك اهديتني عالدرب السليم يارب ..

بدا رمضان ..

وعزمت اني اختم القرءان اكثر عن مره ..

على فكره انا مااكنت اقرا قرءان ابدا .!!!

ابدا يعني ابدا حتى ماافتحه ..

الا في رمضان .. وكنت اوصل الجزء الخامس او التاسع وانساه باقي رمضان ..

ومره وحده ختمته في حياتي .. وكانت السنه اللي طافت ..

بدا رمضان ..

وبدا التحدي ..

بختمه اكثر عن مره يعني بختمه ..

والحمدلله الله من علي بأكثر من ختمه ..

والله شعور حلوووووووووووووو ..!!

قريت في نهاية القرءان .

ان كل من يختم القرءان تكون له نخله او شجره فالجنه و"دعوة مستجابه" ..

هذا المطلوب ..!!!!

هني تشجعت

لو ختمته اكثر عن مره ..

كل دعوة بتكون لي مستجابه بأذن الله

قعدت افكر ..

شوبدعي ..

؟؟

رضا الله

ولا الزواج

ولا ادعي لاهلي وامي وابوي

المهم فكرت ..

وقررت

ان مافي شي اهم من رضا ربي علي ..

واول ختمه كانت احلا ختمه في حياتي

حسيت اني صدق قادره اني انجز ..

قادره اني اكون

بنت زينه طيبه الكل يتكلم عن اخلاقها

بنت ترفع راس اهلها

هني تشجعت اني اقرا واقرا واقرا ..

واطمح لزيادة الختمات ..

في رمضان دعيت وايد

وخصوصا في القيام

ان الله يعوضني بواحد يغطي على كل اللي عرفتهم

دعيت وايد والله

بحسن الخاتمه

وكنت دوم افكر بأهوال يوم القيامه !!

وصلنا شهر 9 ..

وبدا الدوام

ونص 9

خلص رمضان ..

وبدا التحدي الأكبر ..

دواااااااااااااااااااااااااااااااااااااام الجامعه

والفراغ والبريكات .

هني .. قررت اخذ قرءاني معاي ..

كل مافضيت بقرا منه ..

الحمدلله كل شي تسهل لي

وكنت عازمه اني اشد حيلي ..

وادرس ..

واعوض اللي راح

لاني وانا مع الي مايتسمى .. خذت انذار اول بالطرد من الجامعه

والحين اعاني من نزول المعدل ..!!!

معدلي فالحضيض ..

لازم ارفعه ولا بحلص الانذار الثاني هالكورس ..!!!

بس انا متأكده وموقنه ان الله مايضيع تعب حد ..!!

بديت ادرس ..

ودرجاتي بالنسبه لوحده ماعرفت اسم الدراسه من 3 سنوات ..

تعتبر ممتااااازة ..

الحمدلله

مضت الايام ..

وبديت اقتنع بفكرة الزواج اللي كانت شاغلة بالي ..

واقتنعت كليا بجملة " الزواج قسمة ونصيب"

بنات .. كل شي قسمة ونصيب ..

كل شي رزق من الله ..

خلونا مانستعيل على هالرزق ..

بيكون مسؤولية ..

وتعب وهمموم

مب بس طلعه ووناسه ..!!

المهم ..

في تاريخ 22102009 ..

يت اختي ..

قالت لي .. وهي مستااااااااااااااااااااااااانسه ..

مبروك انخطبتي وباجر بييون اهل المعرس .. !!!

هني انا انصدمت ..!!

انصعقت

قعدت

فكرت

يالله

كيف وليش ..

!!

3 سنوات وانا ادور الريل بالحرام

والحين عقب .. 5 شهور بالضبط ..

اييني بهالسهوله ؟!!

وين كنت عن المنطق ..!!

بالعقل يعني ..

حلاااااااااااااال ..!!!

ليش دورت اللي يضرني ..

ليش دورت اللي ممكن بحركة منه يشوه سمعتي ..!!1

كيف بييي وهو لاقي بنات غيري وايد ..

وبالهبل ..!!!

5 شهور ..

برجع لكم لتاريخ توبتي

2062009

وتاريخ ااتصالهم ..
22102009

5 شهور ويومين ..

يالله .. يارب .. كيف انت كريييييييم

اول شي سويته سجدت سجدة شكر ..

الحمدلله ياااااااااااااااااااااااارب .. !!!

بس تعالوا ..!!

من اللي خطبني ؟!!!

من هذا ؟!!!

نحن ماافي فعايلتنا احد من سني ؟!!!!

قعدت افكر من ؟!!

سرت سألت اختي ..!!!

قلتلها من اللي بيون ؟!!

صدمتي الكبيره ..

تدرون من اللي ياي ؟!!!!!!!!!!

نفسه اللي خطبني قبل ..

وهالمره هو طالب من امه ..

قال لها اريدها هالبنت ..!!!

هذا نفسه هو اللي كان خاطبني ..

اللي الكل يمدحه

ويمدح اخلاقه

انسان مايتعوض ..

ليش راح وشاللي رجعه ؟!!

معقوله الله ماكان يبا يبليه بوحده نفسي .. والحين .. لاني تعدلت يستاهلني ؟!!!

ااااااااااااااااااااااااااااااه يارب ..

انت كريم وانا مااستاهل .. مااستاهل ..!!!

الحمدلله يارب الحمدلله الحمدلله ..

احمدك واشكرك يارب ..

الحين عرفت معنى التوبه ..

الحين عرفت معنى محبة الله ومخافته ..

احبك يالله ..

احبك .. يارب ..

يوا اهله .. واستانسوا علي وايد .. احسهم حبوني اكثر عن المره اللي قبل ..حتى امه .. كانت مستااااااااسنه

وحابتني ..!!

صليت استخاره 5 مرات ..

والحمدلله مرتاااااااااحه للموضوع .

ردينا عليهم .. بالموافقه ..

وان شاء الله بييون الاسبوع الياي ..

مادري اذا لاحظتوا ولالا ..

بس قبل مااحط قصتي .. نزلت موضوع في قسم العروس .. للمباركة اني انخطبت ..

وهذا هو :

https://forum.uaewomen.net/showthread.php?t=579875

اوعدك يازوج المستقبل اني اصونك .. واكون لك زوجه صالحة
اوعدك اني اساعدك على الاعمال الطيبه ..
اوعدك اني انصحك تتقرب من ربك

اوعدك اني اكون قد المسؤولية
قد اني اييب اعيال طيبين يحملون اسمك
يشرفونك
يرفعون راسك

وبجذي

ابتدت قصة هدايتي وخطبتي
بنهاية قصة غفلتي ..