اولا:-
المقادير:
لحم ذبيحه
5حبات بصل مقطعه كل حبه 4قطع
6طمام مقطعه كل حبه 4قطع
4 بطاط مقعطه قطع كبيره
معجون الطماط ع حسب الكمية اللي انتوا حابينها
بهارات (ملح، فلفل اسود ، كركم ، بزار ، كمون ، ورق غار، ليمون اسود حبات)
علبتين حمص
وخلي ع جنب في كاس مال جبن كبير زعفران وماء ورد وهال لدهن الذبيحة من الداخل والخارج
الطريقة:-
اولا :- انا عندي جدر الغوزي … يكون في وسطة مصفاه علشان احط اللحم في النصف
اول شيء نظفت الذبيحة من الشعر من داخلها وخارجها وبعدين حطيت عليها البهارات ودهنتها بماء الورد كامله من برع ومن داخل ومسحتها بمعجون الطماطم انا مسويه ذبيحتين وجهزت كل الخضره وحطيتها باسفل الجدر وحطيت عليها البهارات ومعجون الطماط وضفت ماء لازم الماء يوصل الين تحت الذبيحة إلين المصفاه (إنشاء الله فهمتوني) وحطيت الذبيحتين ع المصفاه وغطيت الجدر بألمنيوم وبغطاته وحطيتة ع التنور لمة نصف ساعة او ساعة إلا ربع بس وبعدين جهزت خبز الرقاق ولما يخلص اللحم واشوفه مستوي ادخله الفرن عسب يتحمر اللحم بس من الاعلى واجهزت الصينية تكون كبيرة عسب تكفي للذبيحة الوحدة نحط خبزالرقاق وشوي مرقه وبعدها خبزه ثانية إلين ما نكمل 10 خبزات نحط الذبيحة ونكمل الخبز ل10 بعد ونحمر البصل ونرش فوووقها واسمحولي ما كملت لكم الصور لان كانوا عندي ضيوووف….
[IMG]
[/IMG]
بس ما حطيتي الصوره بعد التقديم .. على العموم
الطريقه سهله وأن شاء الله باجربها في أقرب فرصه وأنتي جربي الدقوس بدال معجون الطماط
مشكوره على هالصور ومشاركتج إلنا الغوزي .
يبالنا نجرب
يعطيج العافية
المشاركة الأصلية كتبت بواسطة Rosewater 