المشاركة الأصلية كتبت بواسطة ام النوفين 
هلا عزيزتي…
لو قلتيلي اكتشفتي وما عرف وكنتي متاكده من اللي اكتشفتيه … نصيحتي لج لا تقوليله شي.. بالعكس كوني حبوبه .. وحسسيه بتانيب الضمير بانه يحس في نفسه انج ما تستاهلين الخيانه… رويه مفاتنج وطيبتج وفرفشتج وكيف انتي حبوبه… صدقيني بيتلوم… لاكن في حال واجهته في هالوضع (اقصد بانه ما اكتشف انج تعرفين) بيتمادى و بيستوي يسوي هالشي جدامج.. لانج في كل حال عرفتي.. وفي رياييل فاصخين انشالله ما يكون ريلج منهم…
اما في حال انه عرف اكتشافج لهشي… اولا الله يكون في عونج.. بس اكيد لازم يستوي حوار مبينكم تسالينه ((((( بهدوء))))))) عن اسباب الخيانه… وشو مب عايبنه فيج او بالاحرى شو ناقصنج عشان يدوره في غيرج … ولازم تبينيله انه جرحج جرح صعب يبرا… والمفروض منه (خصوصا اذا رواج انه متندم)) انه يعوضج ما فات ويثبتلج بكل طاقته انه ما بيرجع لهذا الفعل الحرام… وطبعا لازم شويه تحذير بانج تقوليله: هالمره بمررها بس المره اليايه ما بكلمك في الموضوع .. ويحرم عليك شوفتي انا وعيالي (اذا في عيال)… وطبعا اتحملي تتكلمين في هالموضوع وخصوصا اذا صارت مشكله عابره مبينكم…
وحبوبه.. اتصبري ما في بيت يخلى من هالمشكله.. واحمدي ربج انا ربيعتي بعد عشرة عمر مع زوجها اكتشفت انه شاذ بعد… والله ولا يبين عليه…
الله يهديهم كلهم
إما انا أو لاااااااااااااااااااااااااا!
لو صاير لي هالموقف بقبضه الباب …..والدرب اللي يودي ولا اييب 