بمناسبة الرمضان اقدم لكم ها الوصفة انا اسويها من زمان والكل في البيت يحبها لدرجة انهم يبوني اسويها كل يوم
اخليكم مع الخطوات :
أولا المقادير :
دجاج مسلوق ومقطع
مكعبات من الماجي
شرائح من عجينة السمبوسة
بطاط مقطع شرائح ومسلوق
في المقلاة انحط كوب من الماء مع مكعبين من الماجي بأي نكهة وقليل من الفلفل الأسود ،لما يفور الماء وتذوب مكعبات الماجي ناخذ نصف الكمية ونحطه على جنب ونضيف الدجاج الى النصف الباقي من الماء والماجي ونخليه يفور حتى
يتشرب الدجاج كل الماى ..
في البايركس انرص شرائح البطاط
انييب شرائح عجينة السنبوسة ونقصهـا من النص شريحتين متساويتين .. ناخذ كل شريحة ونحط فيها الدجاج ونلفها ونرصها في البايركس بهذا الشكل
الحين اتذكرون الماي والماجي الي حطيناهم على الجنب ناخذهم وانصبهم على
رولات الدجاج وبعدين انحطها في الفرن حتى تحمر
مقادير الصلصة …
4/ ملاعق جبن كرافت الأزرق
4/ملاعق مايونيز
2/ علبة قشطة
نخلط المقادير
انصبهم على رولات الدجاج بعد ماتحمر ونعيد البايركس للفرن مرة ثانية
وما ننسى ان تكون حرارة الفرن بين 120 و 150 فقط
انخلي البايركس في الفرن الين ما يحمر الوجه وبعدها انطلعه ونقدمه حار
;
.
وبالهناء والعافية
كنت اتمنى اشوف الصوررر
مشكورره اختي
ان شاء الله ها مرة يظهرن
تصدقين اني كنت ادور هالاكله دواااره
احيد ايام الجامعه وحده من ربيعاتي سوته باللحم المفروم بس ما كنت أحيد الخلطه وسبحان الله وانا فاتحه عالمنتدى قلت بدش على المطبخ واول موضوع دشيته موضوووعج مشكووووووووره يالغلا
بصراااااااااااااحه ماعليج زووووود
وتسلمين على الخطواااااااااااات الواضحه
وبانتظار وجبااااتج الحلوه واللذيذه
أم شماااااااااسي
وصفة ولا اروع منها