شحالكم فديتكم .. عساكم بخير؟؟
انا بدخل بموضعي على طول
من فترة خبرتكم بسالفتي ان ريلي يبيني اسافر معاه امريكا لدراسته
وانا مااقدر عشاني حامل وجي ..
بس عقب ماشفت ارائكم ونصحتوني اني اسير معاه
وحتى هلي بعد نصحوني قلت اتوكل على الله مااقدر على زعل بو الشباب 
..
وسرت عند الدكتورة وخبرتها بااني مسافره واذا له ضرر ع الجنين
قالت لي لا بس اذا حسيت بتعب التزم الراحه وعطتني اعلاج..
حتى كانت تضحك علي لاني خايفه..
تقولي يعني الفنانات وهم حمل يسيرون من بلاد لين بلاد يسوون حفلات
اتقولي اعتبري نفسج فنانه خخخخخ
مت من الضحك
المهم
الحين انا وايد خايفه السفر بعد اسبوع وانا احس بالالم في بطني
خبرت امي قالت لي عادي لازم كل وحده حامل تجيها هالالام
وخصوصا اني اول حمله مااعرف شي ..
صج متروعه ..
واللي مخوفني اكثر اني يوم بتعب بامريكاا
مااعرف شلون اتصرف صج ريلي معاي ومابيقصر
بس غير يوم تكون امج معاج وخواتج ..
المهم بنات ادعولي ان ربي ييسر امري ويسمح طريقي
ويسعدني مع زوجي ..
بس حبيت اخبركم بقراري لان وربي اعتبركم مثل خواتي واكثر
وياليت لو تنصحوني بشي عشان هالخوف يروح مني..!!
..
واللي تباا تطلب مني اي شي لايردها الا لساانهااا
احبكم في الله
فمان الرحمن
وتبشرينا بولاتج في امريكا ^^
وتيبين ولي العهد بالسلامه
وان شاء الله ريلج يخلص الدكتورات
وتردون لنا بالسلامه
و إن شاء الله ما بيستويلج إلا الخير
توكلي على الله و لا تنسي دعاء السفر و الدعاء في السفر
و حافظي دايما على أذكارج و قراءة القرآن
و الله يردج بالسلامة
تحياتي