بما اني توني رادة الجمعة من ماليزيا
وبما انها سفرتي الثانية لهالبلد الاكثر من رائع
فكرت احط لكم تجربتي الشخصية مع بعض الفنادق الى سكنت فيها في رحلتي الاولى والثانية
اولا: فنادق كوالالمبور
فندق برجايا تايمز سكوير
فندق اكثر من رائع .. نظافة .. ترتيب .. معاملة جدا راقية .. فندق عائلي .. سعره جدا مناسب .. و مكانه جدا مميز
الفندق متصل بمول كبير جدا ..(سفرتين ومارمت اخلص هالمول)
المول اسعاره جدا رخيصة وبضاعته مميزة واحلى مافيه انج تنزلين من الفندق على طول على المول
يعني مب لازم تطلعون من الفندق
وهذي صور الفندق
فندق سويس جاردن swiss Garden
نصيحة فندق جدا سيء .. ماحبيته ابدا
الكفرات والمخدات كلها متخيسة و المكان مال الفندق مب حلو ابدا ..
الشي الوحيد الى حبيته في الفندق هو السبا كانت روعة
المسبح جدا صغير تقولون مال يهال .. وكلها اجنبيات ما ارتحت ابدا فيه ولا خليت ريلي يسبح فيه
بس كنت احب المطعم الهندي الى جدامه يسوي براتا وخبز نان فظييييييييع .. احلى من الى عندنا
وهذي صور من الفندق (صور خداعه)
فنادق بينانج
فندق شنغريلا قولدن ساندنس
فندق جدا رائع .. راقي … اطلالة جميلة على البحر
نظافة .. الفطور جدا لذيذ والخيارات كثيرة
مكانه مميز مطل على البحر بشاطىء خاص و مطل على السوق الليلي
و هذي صوره من الفندق
فندق هوليداي ان بينانج
فندق جدا رخيص بس جدا راقي ومميز وغرفة كأنها غرف فندق خمس نجوم
الفطور عادي جدا
الاطلاله على البحر بشاطىء خاص للفندق
مطل على السوق الليلي
جدامه هندية تسوى براتا وايد لذيذة كنت احب اسير عندها على الليل انا وريلي وناكل براتا من عندها و نشرب شاي
اتمنى اكون افدتكم بتقريري
^^
انا رحتلها 3 مرات
في العاصمه سكنت في فندق ماندارين اوريانتل الفندق الي عدال البرجين التوام
بصراحه فندق فخم راقي لايعلى عليه موقعه روعه عدالج مول سيريا االكبير و من الطرف الثاني الحديقه الي مطل عليها البرجين
بخصوص لنكاوي ر
سكنت في فندق ويستن فندق يجنن وراقي
وسكنت في فندق بيلانجي بيتج ثلاث مرات بصراحه فندق روعه وفريد من نوعه
يس ياريت لو تخبربنا اكثرعن الجو كيف في( كولالمبو-جنتنغ-بياننق)
وشو اكثر مكان حبيتيه
كل سحب وامطار … شي عجيب
في كوالالمبور الجو كان معتدل … درجة الحرارة 30 تقريبا … ماتحسين بالحر ابد .. كنا دووم نطلع ونمشي في الشوارع لأن الجو حلو
بالنسبة للبينانج .. في ايام كان الجو فيها بارد … وفي ايام كان الجو فيها رطوبة … بس في كل الحالات الجو حلو
لما رديت البلاد حسيت اني شوي بنشوي من الحر … بالرغم ان رحلتنا كانت في الليل بس جو بوظبي كان فظيع رطوبة وحر … وصلت السيارة وانا معصبة من الحر
نصيحة سيروا ماليزيا وماعليكم من الى يقول حر .. بالعكس الجو وايد حلو
احلى مكان كان جزيرة بينانج … هدوء وبحر … استمتعت فيها اكثر