هذي مشكله صديقتي احطها بين ايدكم ..
تقول :
انا مو عارفه شو اسوي ، كانت صدمتي كبيره لما سمعت ابوي يكلم وحده بالتليفون
الله راد اني اسمع ، وماكنت اتجسس ولا شي
في البدايه على بالي انها من المسؤولات معاه ف الدوام ويتناقشون في شغل ..
بس شدتني طريقه كلامه واسلوبه اني اسمع ..!
وسمعته يقول لها دام اني حبيبج وانتي حبيبتي لا يهمج شي ..
وسمعته يقول انا من شفتج شي داخلي تغير وانشديت لج ومن هالكلام ..!
لما سمعت جذي انصدمت .. !!
" وامي " ..!
اول شي يت ف بالي هي .. " امي " ..! بعد طول هالسنين هذا يزاها ..؟!
تدرون انا مستحيل اصدق فـ ابويه لو شو قالوا .. لكن انا سمعته بإذني.. 
ابويه مب راعي هالسوالف .,.. والكل يشهد له ..
ريال مصلي .. صلواته فـ المسيد ..!
مادري شو اللي استوا ..
وما اعرف ،، اسكت ..؟!
ولا اقول لأحد .. المشكله اني لو برمس بقول لمنوو ؟!!!!
ومابا ابوي يطيح من نظر اي حد …!
مابا اقول حق خواتي ، ولا امايه .. مستحيييل
ماعرف شو اسوي ، ولا تقولون لي سيري وكلميه وصارحيه ما اقدر .!
خبروني كيف اتصرف ..!
شووروا علي ارجووكم
حرام بيتنا اللي الكل يمدحه ويشهدله يخترب بسبب وحده مادري من وين طلعت لنا ..!
حسبي الله ونعم الوكيل
حسبي الله عليها .. حسبي الله عليها ..
بدعي عليها ليل نهار ..!
لأنها بتظلم عاايله كامله .. وبدعي على كل وحده تكلم واحد متزوج وتسرقه من عياله ..!
ودعوه المظلوم مابينها وبين الله حجاااب ..
حسبي الله ونعم الوكيل
موقف صعب صراحه انج تنصدمين بقدوتج
ما اعرف شو اقولج الله يهدي الوضع ويرد الوالد لصوايه
ادعي له اختي
خليهاا تاخذ رقم الي يكلمهاا ابووهاا وتتكلم معاهاا وتهددهااا بانهاا رااح تنفضح بين اهلهااا
الله يهديهم بس الله يهديهم
وقيمي الليل
والله يسخره لكم يارب..
الله يهدي الوالد..
دعواتكم لي…