اشحالكن خـــــواتي عساكن بخير؟؟؟؟؟
أتمنى من كل قلبي ان خواتي يدعون ان الله يستر علي في الدنيا والآخرة..
ببدأ بقصتي واللي حابة ترد علي حياها الله بس تكون نصيحة لي لاني بدونكن يا خواتي ما عرف شسوي… يعلم الله اني ارتحت لهالمنتدى واااايد عسب جذي بكتب قصتي….
أنا إنسانة الحمدلله أصلي واصوم واقيم الليل وأحب أهلي وااايد… حبيت انسان من كل قلبي والحب مب حراااام.. تدرون ليش حبيته هو ربيع اخوي من يوم كانو صغار. ويوم كان صغير كان يبات بيتنا … أتذكر شكله وين كان يلعب وين يرقد.. كان هالانسان في قلبي .. ما أعترفتله بحبي لاني انسانة متدينة وما اقدر اقوله انا احبك… بس صدقوني كنت ادعيله في قيام الليل ان الله يرزقه بالزوجة الصالحة … ولما عرفت انه خطب وحدة .. اتضايجت وااايد …. تعبت نفسيا كنت بنتحر بس الحمدلله ربيعتي كانت وياية هي اللي كانت تهديني … والله صرت ما اكل شي مالي نفس آكل شي لان الشخص اللي كنت اتمنى يكون من نصيبي بيروح مني (( تعرفون ليش تعلقت فيه عندي صوره سرقته من كبت اخوي ونسخته))… ولازلت تعبانة من هالسالفة…
المهم من الضيجة اللي فيني دخلت الجات رمست واااحد قلتله تقدر تشغل اخوي قالي اوكي بشغله وعطاني رقمه .. في البداية تردددت بس قلت يمكن يساعد اخوي … اتصلت فيه قالي عطيني يوم او يومين … المهم بعد يومين اتصل قالي ما اقدر قلتله مشكور وما قصرت وتعبتك وياي.. اشوفه اليوم الثاني اتصل وقالي انا تعلقت فيج وحبيتج من كل قلبي … دخلتي خاطري وكنت اقوله انساني هو يقولي ما اقدر المهم أنا من النوع ما ارمس وااايد يعني انسانة هادية وما احب ارمس جدام حد غريب… حسيت من رمست هالانسان انه هو محتاج حد يسمعه أو حد يهتم فيه عسب جذي لما يتصل انا اسكت هو يطلع كل اللي في خاطره … يعني انا ما اسولف عني ما اقوله كل اللي في خاطري وقلتله عسب يطرشلي صورته وطرشلي تدرون شو اكتشفت ان هالانسان يشبه وااايد الشخص الللي كنت احبه تصدقون عيونه وحتى رمسته يذكرني فيه… تعرفون ان هالانسان اللي ارمسه اصغر عني بثلاث سنوات… ساعات احس عمري مب مرتاحة في حياتي لاني ارمس هالشخص … ,اعرف ان هاشي حراااام .. بس والله هو يذكرني في الشخص اللي كنت احبه .. صوته وصورته وعيونه وكل شي بس هو دبدبوب شوي….
خـــــــــــــــــواتي انا الللي اسويه صح والا غلط ….أرمس هالانسان والا اطنشه ! والله ان أنا اصلي واقرا قرآن ,اقيم الليل وادعي حق كل الللي بالي واصوم الاثنين والخميس عطوني نصيحة أو اي شي قولولي وريحوني؟؟؟!!!!!!!!!!!!!!
دخلـــــــيكن خــــــــــواتي ادعولي ولا تنسوني
واخااف يجرج لشي اكبر من التيلفوون
غناتيي يارييت تودريينه ووكلي امرج لله
وادعييه يصبرج ع فرقا لي كنتي تحبيينه
وان شااء الله الله بيرزقج لي احسن عنه
واتمنى ماتعاالجيين الجرح بغلط يغضب رب العبااد
والله يستر عليج دنيا واخره
المشاركة الأصلية كتبت بواسطة ..V!P.. 
واخااف يجرج لشي اكبر من التيلفوون
غناتيي يارييت تودريينه ووكلي امرج لله
وادعييه يصبرج ع فرقا لي كنتي تحبيينه
وان شااء الله الله بيرزقج لي احسن عنه
واتمنى ماتعاالجيين الجرح بغلط يغضب رب العبااد
والله يستر عليج دنيا واخره
مشكورة ع المرور الغاوي ومشكورة ع الدعاء
المشاركة الأصلية كتبت بواسطة maha99 مشكورة ع المرور الطيب
وإنتي تعرفين عمرج غلطانه وإنتي كبيرة وعاقلة وفاهمة الصح من الغلط
بيي اليوم الي بتندمين عليه وبدقين موضوع عن هذا الشخص وبتقولين خاااااااااااااااااااني يابنات ( لو ما تركتيه)
فأحسن لج تركيه وانسي واتعضي من قصص البنات الي تحسفوا قبل لا يصير الي ما يحمد عقباه