قصة شفائي التام من التكيس ولله الحمد 2024.

اشحالكم خواتي ..

حبيت افيدكم مثل مااستفدت ولله الحمد ..

خواتي كان فيني تكيس والحمدلله بفضل ربي شفيت منه شفاء تاام ..

طبعا الكل يعرف سالفتي شو كان سبب التكيس .. بسبب اهمال طبي عطتني كلوميد مع اني

كنت ماشاء الله احمل طبيعي .

وسبب لي تكيس .. وكانت تعطني يمكن حوالي 3 شهور كله ابر وكلوميد وخرابيط ..

ولايصير حمل .. وكنت اخذ الجلوكوفاج وغيره ..

وعقب غيرت الدكتوره وسرت اتعالج عند ماريان .. وسوت لي تحليل الهرمونات

وقالت لي فيج تكيس عاد انا كانت وقتها النفسيه لا يعلم حالها الا الله ..

وقلت للدكتوره . خلاص مابغي احمل .. ابغي اعالج التكيس ..

قالت لو عالجته لج بس لازم يوم تفكرين تحملين لازم تاخذين منشطات وجي ..

طلعت متضايجه وكنت ادعي ربي انه يشفيني من التكيس ويسخر لي الشفاء ..

وسبحانه فجأه قريت عن الحجامه .. وفوايدها ووايد بنات كانوا يعانون من التكيس

الشديد وبفضل الله شفوا وحمل ..

وربي سخر لي الي تحجم .. عن طريق اختي الحمدلله واستخرت ..

وطبعا احتجمت .. ولله الحمد ماشاء الله ..

وكنت نفس الشهر امنع عشان مايصير الحمل لان ماشاء الله الي تحجم وفيها تكيس

تحمل مباشره .. بأمر الله ..

اول ماعدت تحليل الهرمونات الدكتوره تقولي وهي مصدومه من اسابيع كنت عندها ..

تقول مافي تكيس هرمونات سليم انا عيوني تدمع ومب مصدقه ..

وكل اشوي اقولها دكتوره يعني ممكن احمل طبيعي مافي تكيس ترد تقولي هي وانا مب مصدقه ..

وحتى شكت انه هاي مب تحليلي اتصلت فيهم واكدوا لها انها لي ..

تخيلوا نص سنه وانا اعاني الحمدلله والشكر .. هذا ابتلاء لنا يابنات .. اللهم لك الحمد ..

ولا تحرمنا اجر الصبر ..

انصح كل وحده فيها تكيس ولا تليف الرحم ولاغيره تسوي حجامه ..

سبحان الله معجزه .. ووصية الرسول عليه الصلاة والسلام لنا ..

والي ماتعرف حد يحجم افا عليكن يابنات خبروني ع الخاص وبعطيكم رقم الي حجمتني ..

دعواتكم لي يرزقني ربي الولد ياارب ..